透過「 財務概覽」助你全面掌握個人財務
「 財務概覽」功能會紀錄你每次經WeLab Debit Card嘅消費，並且按月總結，更會將每項使費歸類為相應嘅消費類別。透過一目了然嘅消費數據，助你理財更輕鬆！
什麼是「財務概覽」？
WeLab Bank 致力為你提供嶄新理財體驗。「財務概覽」功能會每月自動總結你憑卡嘅開支，等你可以清楚了解自己當月嘅消費細項，以及將唔同月份嘅消費作比較。
我哋明白管理財務一啲都唔容易，無論係要處理列滿數字嘅月結單丶抑或將所有消費逐項逐項分門別類等等。與其花咁多時間及心機去追蹤每月使費，不如交畀 「財務概覽」幫你管理，等你將寶貴嘅時間留喺做你最鍾意做嘅事情。
讓數據助你更精明理財
「財務概覽」為你紀錄你每月用 WeLab Debit Card 做過嘅全部交易，並將其歸納為數個主要消費類別，等你可以隨時隨地輕鬆了解同管理你嘅資金去向。
想更有效規劃未來？用「財務概覽」一眼就睇到自己每月使咗最多錢喺邊項消費類別，之後想控制支出丶避免衝動購物等等就簡單得多啦！
同「相似你嘅用戶」比較消費習慣
好奇自己比其他人使多啲定少啲？我哋精心分析咗 WeLab Bank 嘅客戶數據，等你可以透過「相似你嘅用戶」功能，同其他用戶比較消費習慣，助你喺理財路上知己知彼！
立即開戶！
立即下載 WeLab Bank app， 開啟新世代銀行服務 ！
遇到問題？有我哋幫手！
「財務概覽」係…？
為幫助你更全面掌握個人理財狀況， 全新「財務概覽」功能會紀錄你每次經 WeLab Debit Card 嘅消費，並將每項使費歸類為相應嘅消費類別，讓你可以更輕鬆丶有效地管理你嘅資金。
各項消費類別係點樣制定出嚟？
透過分析及整合WeLab Bank客戶嘅消費記錄，我哋歸納咗六個消費類別：餐飲丶購物丶生活雜貨丶消閒娛樂丶交通丶其他。
「相似你嘅用戶」係…？
旨在為你提供更貼心丶個人化嘅銀行服務，我哋推出「相似你嘅用戶」功能，令你可以同其他用戶比較消費習慣，而「相似你嘅用戶」係經分析我哋從客戶收集嘅數據後精心挑選出。
依個功能會唔會洩露我嘅個人資料？
絕對唔會。其他用戶唔會見到你嘅個人資料。同時，為保障所有客戶嘅個人資料，你亦唔會從依個新功能知道任何「相似你嘅用戶」嘅個人資料。請放心，此功能只會顯示消費習慣嘅比較。