WeLab Bank嘅故事
Power of We

WeLab Bank將人與金融科技力量結合,同你一齊開創虛擬銀行新世界。

為你而創建

呢間係屬於你嘅銀行!我哋以最新嘅科技同領先嘅金融智慧,設計出以數碼先行同全電子化嘅銀行,令銀行服務變得簡單,快捷並充滿樂趣。

由於無實體分行,我哋可以將節省到嘅開支回饋畀你,以更好利率、更靈活彈性嘅服務同以更聰明嘅方式幫你增值財富。我哋仲會透過人工智能同大數據分析令你夢想成真達成你嘅財務目標 — 一切變得觸手可及。

呢啲就係金融科技嘅力量。

以人為本

WeLab Bank app 背後係一班充滿熱誠同理想嘅團隊。我哋喺香港土生土長,同你一樣會搭車返工,一樣渴望有個精彩嘅未來。我哋會聽你嘅諗法,與你共同創作,因為呢個就係令我哋更理解你所需同令銀行服務更加進步嘅方式。一切都係為咗你。

呢啲就係人嘅力量。

革新銀行體驗

我哋係一班銀行家丶技術專家、設計師同風險管理人員。我哋離開大企業都係想為你創建一間有創新理念嘅銀行。我哋唔需要著西裝打呔,我哋摺起衫袖,凡事親力親為,決心為你打造突破性嘅銀行體驗。

香港最創新銀行*

WeLab Bank 喺香港中文大學主辦嘅全港首屆「企業創新指數」(Corporate Innovation Index – CII)榜單上,力壓全港超過 200 間來自不同行業嘅公司,排名第一,證明我哋喺服務、企業文化同營運模式等多方面都展現出創新思維,為理財服務創造更多可能性。

*此處是根據由香港中文大學(中大)商學院亞太工商研究所(APIB)主辦的首屆「企業創新指數頒獎典禮暨論壇2022」得分結果而定。

扎根於香港

我哋想為大家創建一個強大嘅香港製造金融科技平台,並且為香港喺金融科技舞台上大放異彩作出貢獻。我哋以香港地道文化作為產品服務開發設計嘅靈感,希望通過我哋嘅銀行服務可以注入香港魅力,令你同香港都感到自豪。

人同科技嘅結合

我哋利用大數據嘅洞察力、金融、科技嘅力量,結合人類智慧同人性化設計。我哋可以幫你儲得更多,共同創造更好嘅產品,為你嘅理財生活帶嚟更大更正面嘅影響。

屬於大家嘅銀行

受全球成功虛擬銀行所啟發,我哋決心去創建一間獨一無二嘅虛擬銀行,希望改變大家以往嘅銀行模式。我哋獲香港金融管理局發牌成為八家獲批虛擬銀行中嘅唯一港產虛擬銀行。我哋致力通過可行嘅業務模式推動普惠金融,同時為你提供實現財務自由嘅工具。

富初創精神嘅實力團隊

WeLab Bank背後係WeLab Group —自2013年創立至今,喺金融發展上取得相當成功嘅團隊。作為對我哋實力嘅肯定,我們好榮幸得到長江和記實業有限公司TOM集團,國際金融公司和紅杉資本等世界頂級投資者嘅支持。

WeLab 嘅理念

Paulina

Sales

Read story

Michael

Product

Read story

Simon

Tech

Read story

Jenny

Design

Read story

Adrian

Operations

Read story

由著名投資者支持

更多有關WeLab嘅數字*

WeLab Group喺9年內成功實現可觀嘅增長及規模

WeLab Group Logo.png

2013

成立年份

50M+

註冊用戶

HKD 86B+

審批貸款

800+

員工總數

*WeLab Group, 2022年7月