講起虛擬銀行（Virtual Bank）, 可能有部分人仍然會一頭霧水：虛擬銀行係咩嚟呢？聽落咁虛，係咪靠得住㗎？同傳統銀行又有咩分別呢？無可否認，虛擬銀行喺香港的確係比較新嘅概念，有部分人甚至從來未接觸過。就等我哋解答一吓大家嘅問題，一齊了解咩喺虛擬銀行！咩係虛擬銀行？根據香港金融管理局(金管局)嘅定義，「虛擬銀行」係指主要透過互聯網或其他形式之電子傳送渠道提供銀行服務，而非實體分行提供零售銀行服務嘅銀行。香港一共有幾多間虛擬銀行？金管局自2019年先後向8間「虛擬銀行」發牌，目前香港共有8間受金管局監管嘅虛擬銀行，而WeLab Bank就係其中一間。無分行？咁虛擬銀行有咩優勢？<ol><li>方便：用戶只需要用一部智能手機，就可以透過手機掃描身份證等方式，進行遙距開戶，更可以全天候24小時使用銀行服務，唔需要再好似傳統銀行咁，去到分行排長龍，既方便又慳時間。</li><li>不設最低戶口結餘收費：自從金管局向虛擬銀行發牌之後，雖然有唔少傳統銀行都取消咗最低戶口結餘收費，但仍然有部分銀行無作出呢個改動。如果用戶嘅戶口結餘低於最低要求，就會收取手續費，而虛擬銀行並無任何關於戶口結餘多少嘅收費，無論財富多少都可以無憂開戶！</li><li>連接其他銀行：虛擬銀行可以透過轉數快同埋電子直接付款授權(eDDA)等方式接通其他銀行，跨行即時過數亦無額外手續費，用起上嚟更快、更方便。</li><li>增加市場競爭：由於虛擬銀行不設分行，令到營運成本降低，自然可以將資源回饋到用戶身上，例如提供高存款利息、降低貸款利息等等。一方面增加市場競爭，另一方面仲可以令消費者得益。</li></ol>咁虛擬銀行嘅客戶有保障嗎？相信唔少第一次接觸虛擬銀行嘅人，都會擔心將錢存入虛擬銀行到底有無風險。事實上，虛擬銀行受金管局嚴格嘅監管㗎！香港所有持牌銀行均屬於香港存款保障委員會（存保會）嘅存款保障計劃成員，所以包括 WeLab Bank在內嘅8間虛擬銀行，都有參與存款保障計劃，只有幾間境外註冊銀行因為有其註冊地相關嘅存款計劃保障，而獲存保會豁免。存款保障計劃成員所接受嘅合資格存款受存款計劃保障，最高保障額為每名存款人HKD500,000。大家可以參考一吓存保計劃嘅保障範圍：受保障的存款包括：<ol><li>各類常見存款戶口（如儲蓄戶口、往來帳戶及年期不多於五年的定期存款）</li><li>個人（包括聯名戶口）或公司持有的存款</li><li>用作抵押的存款</li></ol>不受保障的存款包括：<ol><li>結構性存款（如外幣掛鈎及股票掛鈎存款）</li><li>年期超過五年的定期存款</li><li>不記名票據（如不記名存款證）</li><li>離岸存款（如存放於成員銀行在内地或海外辦事處的存款）</li></ol>留意返有一啲持有有限制牌照嘅銀行同接受存款嘅公司，並唔屬於計劃成員，所以放喺相關銀行或公司嘅存款係唔受存保計劃所保障㗎！你話虛擬銀行無分行，萬一有嘢要問，咁可以搵邊個幫我？雖然虛擬銀行主要透過網上途徑去提供服務，但客戶如果遇到任何問題，都可以經唔同途徑搵到客戶服務幫手㗎！以 WeLab Bank 為列，我哋提供 24/7 客戶服務，有咩問題都隨時可以搵到我哋幫手㗎！總括而言，成為虛擬銀行嘅客戶唔單止有保障，仲可以享有唔少好處㗎！想試新嘢嘅你，即刻下載 WeLab Bank app 同密切留意我哋WeLab Bank嘅資訊啦！

WeLab Bank 知多啲

咩係虛擬銀行？一文解答晒你對虛擬銀行嘅疑問

講起虛擬銀行，唔知大家第一時間會諗起啲咩呢？今次就同大家釐清返「虛擬銀行唔可靠」嘅誤解，順便一齊認識吓WeLab Bank啦！聽聞虛擬銀行唔可靠，係咪真㗎？相信唔少第一次接觸虛擬銀行嘅人，都會擔心存錢入虛擬銀行可能會存在風險。事實上，虛擬銀行受金管局嚴格嘅條例監管㗎！除咗幾間境外註冊嘅銀行因為喺註冊當地已經有類似嘅存款計劃保障，而獲存保會所豁免之外，喺香港嘅所有持牌銀行都係存保計劃嘅成員嚟㗎。WeLab Bank係一間點樣嘅銀行呢？WeLab Bank 係一間受香港金管局監管嘅持牌虛擬銀行，並由亞洲領先嘅金融科技公司WeLab Group所創立。身為科技愛好者，WeLab Bank成日都會諗點樣先可以將最新嘅科技融入大家每一日嘅理財生活，致力以科技提升香港嘅銀行體驗！所以，作為持牌銀行之一嘅WeLab Bank都係香港存款保障委員會（存保會）嘅存款保障計劃成員之一，咁大家就可以安心將錢放喺我哋到啦！存保計劃知多啲1.我要點先可以參加到呢個計劃？大家毋須自己申請參加，亦毋須就計劃繳付任何費用，就可以自動受保。如果不幸有存保計劃成員銀行﹝計劃成員﹞倒閉，存保計劃會向每位受影響存款人嘅合資格存款發放補償，最高保障額為每名存款人港幣50萬。2.補償金額係點計㗎?存保計劃之下，每位存款人喺每家銀行嘅存款（包括本金及利息），無論幾百蚊、幾千蚊、甚至係幾萬蚊都可以獲得最高港幣50萬嘅保障。例如，如果喺同一間銀行有超過一個戶口，所有戶口嘅存款將會合併計算；而如果存款係存放於唔同銀行，則每間銀行將會分別獨立計算。3.邊啲存款係受到保障？基本上，常見嘅存款，例如往來賬戶、儲蓄賬戶，同埋年期為五年或以下嘅定期存款，都係合資格存款！而呢啲存款當中，無論係港元、人民幣及外幣存款都會受到保障。而如果你係喺海外地區嘅銀行分行開戶口，存款就會屬於離岸存款，咁就唔會受存保計劃保障㗎喇。睇完以上嘅介紹，唔知有無加強咗你對WeLab Bank嘅信心呢？如果下次再聽到有人話「虛擬銀行唔可靠」，記得要Share返呢篇文章畀佢哋睇喇！

50萬存款保障計劃  令你安心存錢入虛擬銀行

儲錢，不外乎開源節流、量入為出。講就十分容易，但實際又有幾多人做到呢？喺早前嘅發布嘅《Worldwide Cost of Living 2020》中，香港成為全球生活成本最昂貴嘅城市之一，唔謹慎理財嘅話，好容易就會使多咗，到時唔單止儲唔到錢，仲隨時變埋「月光族」添！個個都儲唔到錢，唔通個個都想儲唔到錢咩！想踏出儲錢第一步嘅你，不妨參考一吓以下5個實用方法，令儲錢變得更簡單容易！1.訂立儲錢目標建立儲蓄習慣前，不妨問吓自己：點解要儲錢？為咗去旅行、上車，定係結婚？清楚了解到自己嘅財務目標，先可以激勵自己努力儲錢。就算手痕想使錢嘅時候，都會停一停、諗一諗先，咁就有助避免衝動消費。不過單有一個遠大嘅儲蓄目標係唔夠㗎，仲要訂立一個幫到自己達至目標嘅計劃，例如計算每個禮拜、每月以及每年要儲幾多錢，再逐步實現目標。如果驚自己唔夠自覺嘅話，亦可以將計劃印出來擺喺當眼位置，或者同其他儲緊錢嘅朋友互相監督，提醒自己要乖乖哋儲錢！2.制定預算&amp;記錄開支訂立完儲錢目標後，第二步當然係要實行啦！每月出糧之後，按目標同計劃將部分錢儲起，再定時記錄同檢視自己嘅每一筆支出，咁樣除咗有助了解自己嘅消費習慣，亦能夠審視自己有咩不必要嘅開支。至於點樣記錄開支，其實用Excel又好，坊間五花八門嘅App都好，只要搵到方便自己嘅途徑，就可以開始實行喇！如果你有用開 WeLab Bank app，以及將所以支出同收入都用同一個戶口嘅話，透過消費記錄、待處理交易嘅功能，就可以一眼睇晒自己使咗幾多、剩返幾多錢啦！3.控制固定支出 - 取消多餘嘅訂閱計劃除咗供保險、電話費等等嘅固定支出之外，仲可以睇吓自己訂閱咗幾多月費計劃嘅服務，例如聽歌app，你可能同時畀緊三至四個 HKD 15 或以上嘅月費，但其實你常用嘅只有其中一個；一個固定月費嘅健身會籍，但好多時為咗方便又會畀單次費用去就近嘅健身室；將所有相放到雲端儲存空間，但其實舊相基本上唔會再翻睇。類似嘅付費計劃，你又訂閱咗幾多個呢？Weekend不如坐定定思考一吓究竟邊啲係你「想要」同「需要」嘅嘢，再判斷應該取消邊啲服務啦！4.精明使用卡類產品雖然儲錢係大家嘅目標，但有啲日常消費都係必需嘅，如果可以精明哋用信用卡，以及各式各樣嘅店舖會員計劃，再多啲留意每張卡嘅最新推廣優惠，就可以攞盡著數啦！當然，如果你唔係一個識得節制自己使費嘅人，咁就可能要避免使用信用卡喇！始終信用卡係一種先使未來錢嘅卡類產品，有時唔記得找數所罰嘅利息同手續費，隨時夠你食20餐麥記。而每次消費時，WeLab Debit Card 都會直接喺自己嘅戶口扣錢，咁就可以保證每個月唔會使突咗啦！點樣申請<a href="https://www.welab.bank/zh/feature/debit-card/">WeLab Debit Card</a>？👉 <a href="https://www.youtube.com/watch?v=OeXzX2_EyZI&amp;feature=emb_title">https://www.youtube.com/watch?v=OeXzX2_EyZI&amp;feature=emb_title</a>5.增加收入 – 善用公餘時間做副業賺錢「節流」之外，其實仲可以試吓「開源」。除咗本身嘅正職，大家仲可以趁住工餘嘅空檔賺取額外嘅收入，例如私人補習、教人彈琴、兼職攝影師、甚至賣字等等嘅freelance工作或兼職。如果以上幾樣都覺得唔太適合自己，不妨睇吓我哋嘅【4分鐘話你知點用副業搵銀】，攞啲靈感啦！其實儲錢並無大家想像中咁難，快啲搵個適合自己嘅儲錢大法，同「月光族」講拜拜啦！

生活理財

擺脫月光族  5個簡易儲錢方法你要知

唔想過住朝九晚五嘅日子到 60 歲？想快啲達致財務自由之後好好享受人生？相信呢啲應該都係唔少打工仔嘅願望。今日我哋就整理咗幾個簡單又易實行、連學生都可以增加被動收入嘅方法，等你瞓住覺都可以賺到錢！方法一：定期存款如果想以一個低風險嘅方式賺取被動收入，定期存款絕對係唔錯嘅選擇！你只需要將錢擺喺銀行嘅定期戶口，就可以嘆住等收利息喇！不過都要留意返，始終定期存款嘅風險比起其他投資較低，回報自然都會低小小。同時，由於大部份定期存款嘅利息都係視乎本金大細而定，如果想透過定期存款賺取可觀嘅收入，本金就要多啲喇！但如果本金唔夠多，又想收取高利息，可以點做呢？其實高息都唔一定係有錢人嘅專利嚟㗎！你可以參加WeLab Bank 嘅 GoSave 定期存款計劃，年利率並唔係由金額多少去決定，而係睇參加人數：只要參加人數愈多，所獲得嘅年利率就愈高，仲可以有兩次無額外手續費嘅提款機會。好多人唔鍾意做定存，都係擔心存款年期未到嘅時候萬一急要用錢，無息之餘仲要被罰手續費，而 GoSave 就無呢個煩惱啦！方法二：定期幫屋企人執屋你無睇錯啊！宜家盛行利用二手買賣平台，將屋企嘅閒置物品轉讓出去，無論係小朋友嘅舊書、舊玩具，大人嘅首飾、手錶，甚至係鞋櫃、梳化等傢俬都可以用二手價錢轉讓出去，環保之餘，仲可以無本生利添 ！方法三：經營 YouTube Channel相信大家生活中或多或少都會接觸到 YouTube，當中嘅影片類型五花八門，不但可以提供到娛樂畀大家，其實都係唔少人賺取被動收入嘅渠道。而當中嘅賺錢秘訣就係：影片曝光率愈高，收入自然愈高！如果想透過YouTube 賺錢，你要先申請加入「YouTube合作夥伴計畫」，通過審核之後，就可以收取廣告分成，影片曝光率愈高，收入就愈高！正所謂「萬事起頭難」，如果想利用YouTube 賺取被動收入，投放多啲時間同精力就少不免㗎喇！其實仲有好多創造被動收入嘅方法，大家不妨花4分鐘時間，睇吓有咩精選副業可以幫你搵外快 👉 <a href="https://www.youtube.com/watch?v=JoGNl4AnJCU">https://www.youtube.com/watch?v=JoGNl4AnJCU</a>希望以上嘅方法可以幫到大家創造被動收入啦！

創造被動收入其實唔難！3個學生都適用嘅方法

我哋知道大家喺假期都會預備好多豐富嘅節目，所以今次專登準備咗呢篇假期購物回贈攻略，等大家可以好好利用 WeLab Debit Card 嘅5%現金回贈*，喺禮拜五六日以及法定假期使錢之餘又可以攞盡著數，放假兼放肆！攻略1：喺屋企䟴䟴腳賺現金回贈一到 weekend 同假期，相信大家都會行吓街、買吓嘢、食大餐，甚至嚟個staycation輕鬆吓。錢就點都要使㗎喇，但總有辦法可以使得精明啲！呢個時候，就可以善用 WeLab Bank 嘅5%現金回贈*喇！如果唔想出街又點算好？其實上網嗌外賣、買衫、買日用品等等，都可以照賺 WeLab Debit Card 嘅現金回贈㗎！攻略2：辦定年貨　預備新年家庭聚餐　今年無乜地方可以一班人食團年飯同開年飯，不如買定食材同新年禮盒，親手準備呢份心意同親友分享啦！ 無論去超級市場買食材自己煮、出街買定係叫外賣返屋企食，只要去到接受 Mastercard 付款嘅舖頭，你就可以用 WeLab Debit Card享受 5% 現金回贈*，名正言順邊食邊賺！如果去朋友屋企開 party，記得拎定WeLab Debit Card去接受 Mastercard 嘅舖頭買禮物喇！除咗星期五六日及法定假期有 5% 現金回贈，星期一至四消費都會有 1% 現金回贈*㗎！攻略3：買定新年戰衣新一年又有買新衫嘅藉口喇！唔少商舖都會進行新春特價清貨，如果用埋WeLab Debit Card 5% 現金回贈*，就相當於折上折，攞盡著數！想了解點樣申請 WeLab Debit Card？即刻去片啦！ <a href="https://www.youtube.com/watch?v=OeXzX2_EyZI">https://www.youtube.com/watch?v=OeXzX2_EyZI</a>*受條款及細則約束。由即日起至2021年1月31日內，憑卡於星期五至日或香港法定假日消費可享5%現金回贈(回贈上限為HKD 500)。而於星期一至四消費可享1%現金回贈(回贈上限為HKD 500)。即合共現金回贈上限為HKD1,000。

優惠資訊

WeLab Debit Card 假期回贈攻略

2020一眨眼就完咗，亦意味著係時候為自己訂立新年理財目標！正所謂一年之計在於春，無論你想喺新一年上車置業、儲定退休金，定係還清債項，喺年初訂立目標就最適合不過喇！1.設定理財預算無論收入多少，喺年頭訂立未來呢一年嘅理財預算都好重要㗎！透過檢視自己舊年嘅支出，再以三大分類去估算今年大概會使幾多錢，包括生活必需品、娛樂開支同埋儲蓄投資等等，使錢嘅時候就可以更有紀律。所以，如果想喺新一年有效達到理財目標，就要快啲搵個時間規劃吓喇！2.擴闊理財知識無論係透過網上資源、理財書籍，定係同有相關理財經驗嘅屋企人傾計，呢啲途徑都有助擴闊自己嘅理財知識，而新知識亦可以幫到你學習如何正確管理自己辛苦賺返嚟嘅錢。所以新嘅一年，不妨訂立學習理財嘅目標畀自己，等自己可以深入涉獵一個新嘅理財領域。3.升職加人工新一年，係時候要諗吓點樣可以喺工作上進步喇！如果你對目前嘅工作感到滿意，亦希望自己十年後喺呢個行業繼續發展，咁不妨試吓提升自己嘅競爭力，例如進修相關課程增值自己，爭取晉升機會！相反地，如果你唔係好滿意宜家嘅工作，咁可能要嘗試搵一份可以令你得到滿足感、或者係薪酬待遇較好嘅工作喇！4.增加收入來源生活中總有好多變數，所以儲定錢做緊急用途好重要。過有時除咗節流，都要試吓開源！賺取額外收入嘅方法其實有好多種，如果你有特別嘅技能，例如影相、 PhotoShop、寫程式等等，就可以考慮做 freelancer接吓唔同工作。不過唔係份份 freelance 都需要特別技能，如果你無特別擅長嘅領域，都可以考慮做外賣員、bloggers等嚟增加收入！另外，如果手頭上有充裕資金，都可以試吓投資、雪球效應嘅儲蓄方式去增加被動收入。當增加咗自己嘅收入來源，就唔使再依賴單一份工作。唔單止可以提升收入同增加儲蓄，萬一唔好彩無咗份工，都唔需要太擔心！小提示：想增加被動收入，可以即刻開返個 WeLab Bank戶口，一齊參加 GoSave定期存款賺取高息！點樣申請WeLab Bank戶口👉 https://www.youtube.com/watch?v=3TGXEBrQz-0&amp;t5.還清債務除咗以上所講嘅方法，還清債務都係理財嘅重要一環。唔單止可以減少要畀嘅利息，仲可以有更多流動資金，雖然成個過程可能會有啲痛苦，但為咗實現夢想都係值得㗎！透過使用 WeLab Debit Card，所有交易都會直接由你嘅核心賬戶餘額扣除，等你有幾多就使幾多，咁就可以避免債務形成，唔使再擔心還唔到卡數！

5 個 2021年嘅新年理財目標

虛擬 debit card ，顧名思義就係一張電子版嘅 debit card 。同普通實體卡一樣，虛擬 Debit card都有 16 位數嘅卡號、有效期以及安全碼，但係虛擬 Debit card 嘅相關資料就要經過所屬虛擬銀行嘅手機app 先見到！當你成功開戶之後，就可以喺 WeLab Bank app內獲得你嘅虛擬WeLab debit card同即刻開始消費喇！如果驚唔夠使又或者使突咗，你仲可以自行設定消費限額，或者增減戶口入面嘅存款數目。但係記住 debit card 用緊嘅係你戶口入面嘅錢，所以用之前要確保戶口裡面有足夠嘅錢呀！ 到底用虛擬 debit card 有咩好處呢？宜家就同大家講吓點解你需要一張虛擬 debit card 喇！點解要用虛擬 debit card? 1.更安全更有保障 虛擬 debit card 有咩吸引之處？其中一個優點就係唔怕被盜用喇！因為虛擬 debit card 嘅資料，例如卡號、安全嗎、有效期，全部都會儲存喺你手機app入邊，你需要要解鎖手機再登入相關嘅虛擬銀行app先可以睇到你嘅資料，咁就唔會好似實體卡咁，一唔小心跌咗就有機會畀不法分子利用，甚至帶嚟財物損失啦！而另一方面，就算真係咁唔好彩洩露咗張WeLab Bank虛擬 Debit Card 嘅資料，你只需要喺App 入面撳個掣就可以申請報失，就可以即時獲得一張新卡畀你繼續使用。從此你唔再需要每次都打熱線電話同處理繁複程序，夠晒方便之餘，人都安心啲！ 2.更方便快捷通常申請一張實體卡，都需要一段時間先收到。相反，申請虛擬 Debit Card 就無呢個煩惱喇！唔需要 check 信貸記錄，亦唔需要好長嘅身份驗證程序。喺你成功申請後，虛擬 Debit Card 就已經準備就緒，仲可以即刻攞住虛擬 Debit Card 去唔同網站碌卡買嘢添 ！ 3.更好嘅開支預算Debit card 嘅另一個特色就係：任何消費都會直接喺你嘅核心戶口扣取，戶口有幾多就使幾多，咁就唔怕使突咗！如果想再進一步控制自己開支嘅話，你可以喺個 App 入面設定「每日最高交易限額」，等自己唔會亂咁使錢！同時，用完 debit card 消費後，每一單交易都會即時喺個 App 見到，咁就可以畀大家了解返自己辛苦賺返嚟嘅錢最終去咗邊到啦！ 點先可以申請到WeLab Debit Card 呢？想得到一張屬於自己嘅 WeLab Debit Card？方法好簡單，只要你喺 WeLab Bank app 成功申請開戶，你嘅虛擬 Debit Card 就已經準備就緒喇！ 喺虛擬 Debit Card 嘅頁面，撳左上角嘅眼仔👁️，就可以即時睇到你嘅虛擬 Debit Card 卡號、有效期以及安全碼，即時用佢嚟 online shopping都無問題！ 想了解更多有關點樣申請 WeLab Debit Card 嘅資訊？即刻去片啦！ <a href="https://www.youtube.com/watch?v=OeXzX2_EyZI">https://www.youtube.com/watch?v=OeXzX2_EyZI</a>

咩係虛擬debit card? 我可以點樣拎錢？

Credit card 就聽得多，唔知大家又知唔知咩係debit card呢？簡單啲嚟講，當我哋用呢兩張卡進行交易時，debit card用嘅就係戶口入面有嘅錢，而credit card就係用緊未來錢。講到呢到，你又知唔知debit card有咩優點呢？今日就同大家分析一吓，點解你需要一張debit card啦！1.有效控制消費 用debit card嘅其中一個好處就係唔怕使突咗！每次買嘢時，所用嘅錢都係直接喺你嘅核心戶口扣除。就算你係天生購物狂，自制能力極低都唔怕，因為最多都係使曬戶口裡面嘅錢，並唔會好似信用卡咁，令你不知不覺增加咗負債。2.比信用卡更容易申請 同信用卡唔同，debit card嘅申請程序相對容易！ 申請 debit card 無需參考返你過往嘅信貸評分，所以整個申請程序更快更簡單。 3.避免額外收費 相信大家對於信用卡嘅遲交罰款、年費、利息等收費都唔會太陌生，相反地，用debit card 就唔會有呢個煩惱喇！正常情況下，使用debit card要交嘅費用係好少，甚至可以話係幾乎無！如果你用得小心，有機會完全唔使繳交任何費用，慳返唔少錢㗎！ 4.賺取回贈同信用卡差唔多, 宜家有啲銀行嘅debit card回贈都幾吸引㗎！部分debit card同信用卡一樣，可以透過日常消費賺取唔同嘅現金回贈、積分、或者里數等等，雖然回贈嘅額度相對較細，但呢種消費模式更適合無穩定收入，甚至唔想先使未來錢嘅人使用。 咩係WeLab Debit Card ？點先可以申請到？WeLab Debit Card係一張無卡號垂直印刷嘅彩色debit card，無論買嘢定提款拎出嚟比錢都令人眼前一亮！👉🏼 虛擬WeLab Debit Card喺你成功開戶後就已經準備就緒喇！而實體卡亦正在準備中👉🏼 一張卡集齊消費及提款功能 – 你可以喺全球所有接受Mastercard嘅地方碌卡簽賬，以及全港嘅銀通（JETCO）自動櫃員機提款👉🏼 即時交易通知👉🏼 消費時獲取現金回贈👉🏼 方便管理、多重安全保障 – 畀你自行設定交易限額、重設PIN，一粒制就可以查閱WeLab Debit Card資料申請一張屬於自己嘅WeLab Debit Card其實好簡單！只要下載WeLab Bank app，透過手機申請開戶，喺成功開戶之後，就會自動獲得你嘅虛擬 WeLab Debit Card，同時我哋亦會同步開始處理你嘅實體 WeLab Debit Card，正常情況下，大約5-7個工作日就會送到你手上㗎喇！就算唔好彩唔見咗張卡，都可以喺 WeLab Bank app入面停咗張卡佢，我哋仲會即刻畀一張新嘅虛擬 debit card 你繼續網上消費㗎！ 想知更多有關點樣申請WeLab Debit Card嘅資訊？即刻去片！ <a href="https://www.youtube.com/watch?v=OeXzX2_EyZI">https://www.youtube.com/watch?v=OeXzX2_EyZI</a>

4個需要debit card 嘅理由

好多人問：究竟 credit card 同 debit card 有咩分別？佢哋除咗外形好似、方便我哋出街消費唔使帶現金之外，兩張卡都可以喺唔同嘅舖頭使用！等我哋話你知兩款卡嘅分別啦！ 1.金錢來源 Credit card同 debit card 最主要嘅分別就係使費嘅來源喇！當你用 credit card 消費時，你所用嘅錢其實係銀行嘅錢，亦即係先使未來錢，就好似問銀行借錢一樣。所以當你開心消費完，你係需要喺特定日期還錢找卡數㗎！好處係就算銀行戶口無錢都可以照碌卡買嘢，不過要承受返遲還卡數嘅風險，如果到因為唔記得準時還款而被銀行罰錢，就得不償失喇！相反地，當你用 debit card 碌卡買嘢，任何消費都會直接喺你嘅核心戶口扣錢，所以記得確保消費前戶口入面有足夠金額啊 ！ 2.消費限額 另一個不同之處就係消費限額喇！頭先提及過用debit card 嘅時候，係直接喺你自己戶口入面扣錢，而且你仲可以自己設定消費限額：設定嘅金額越多、消費限額就越高！而信用卡就係由銀行決定，銀行會根據你嘅信貸記錄、收入，甚至供款負擔比率等因素，去決定你張卡嘅信用額，而你嘅消費限額就取決於你嘅信用額。咁如果想提高消費限額可以點？答案就係就要打電話去銀行要求加大限額，又或者乖乖哋等銀行提高你嘅信用額喇！3.對信貸記錄嘅影響如果選擇用信用卡買嘢就即係問銀行借住錢先，用嘅係未來錢而且有借就有還。唔想令到自己因為信貸記錄差而申請唔到各式各樣嘅貸款，就記得要準時還款喇！原因好簡單，除咗會被罰款、利疊利之外，好多時候我哋申請車貸、房屋按揭等各式各樣嘅貸款前，貸方都會幫你做咗信貸評估先，而差嘅信貸記錄分分鐘會令你申請唔到貸款。就算咁啱好彩借到錢，利息都可能會高啲㗎！ 講到咁，係咪即係話擁有一張 debit card 就係完美之選呢？其實答案都係要睇返用家嘅消費習慣。如果你係一個節制唔到自己消費嘅購物狂，咁擁有一張 debit card 就再適合不過！但如果你想建立一個良好嘅信貸紀錄，咁信用卡就幫到你，不過就記得要喺使用 credit card嘅時候準時找卡數，以免影響日後申請貸款喇！4.回贈獎賞回贈方面，其實credit card同 debit card係不相伯仲㗎！不過優惠嘅多少通常就要視乎唔同銀行嘅優惠政策，如果想攞盡著數，就記得要密切留意相關嘅優惠資訊喇！ 唔知大家睇完呢篇文章，有無了解到 credit card 同 debit card 之間嘅分別呢？記得要了解咗自己嘅消費習慣，先好申請唔同嘅卡啊！

信用卡同debit card有咩唔同？

講起儲錢呢樣嘢，其實係每個人都應該要培養嘅好習慣，但大部份人都傾向於先使錢開心咗先，因為儲到嘅錢唔可以帶嚟即時嘅滿足感！其實儲錢帶來嘅長期效益都唔細，亦係對自己嘅承擔嚟㗎！一齊睇吓4大需要儲錢嘅原因啦！ 獲取更大自由人生最正嘅其中一件事，就係長大成年後，可以唔使得到父母批准，自由咁去計劃自己嘅計劃！而實踐任何計劃，當然離唔開足夠嘅錢，先可以增加你嘅自由度啦！無論係想放大假休息、做吓小生意，定係想轉第二份工，有足夠嘅財政儲備，先可以擺脫金錢限制，做更多自己想做嘅嘢。 如果儲蓄唔多、又身兼負債嘅話，就記得儲多啲錢，先可以變得經濟獨立之餘，又可以輕鬆過生活喇！應急儲備無人知道未來會發生咩事，所以準備定應急儲備好重要！最常見嘅意外使費有家居維修費、昂貴嘅醫療費，甚至乎突然間無咗份工，呢筆錢都可以大派用場㗎！所以，記得多啲為將來嘅自己打算，由宜家開始建立自己嘅緊急預備金。Touchwood真係遇到需要使好多錢嘅時刻，你一定會感激當日肯儲錢嘅自己！提早儲定退休金另一個儲錢嘅原因就係為提早退休做好準備！好多專家都認為，如果想喺退休時維持返同宜家差唔多嘅生活水平，就需要預備定事業巔峰時七成左右嘅人工先可以做到。所以如果唔想到退休果陣先發現唔夠錢使，要依賴份強積金去生存，就要趁後生儲定錢先喇！儲錢讀書進修唔知你有無諗過讀書進修自己，又或者係送仔女去更好嘅學校讀書呢？增值自己，亦係一個熱門嘅儲錢理由嚟㗎！宜家越嚟越多打工仔選擇重返校園，無論係讀返個 Master Degree 定係Doctorate Degree，都可以增值自己。追求知識當然係好事啦，但學費就一啲都唔平！如果你諗住辭咗份工作專心讀書，要考慮嘅就唔單止淨係學費，仲要儲埋其他生活支出先夠用喇！ 而如果你身為父母，儘早為仔女儲定學費，就可以減輕仔女未來嘅經濟負擔，令佢哋唔需要去借兼用長時間去清還學債！好，咁你準備好儲錢未？睇完呢篇文，你可能會覺得儲錢似乎都唔錯喎，但……要用咩儲錢方法先work呢？想搵到適合自己嘅儲錢方法，可以睇吓<a href="https://www.welab.bank/zh/blog/lifestyle/5-simple-ways-start-saving-money/">擺脫月光族 5個簡易儲錢方法你要知</a>喇！

4 大需要儲錢嘅理由

厭倦咗朝九晚五嘅打工仔生活，又想嘗試自己做吓小生意？同大家分享5個創業小貼士，睇吓幫唔幫到你啦！ 做自己鍾意嘅事你唔需要非常熱愛整盤生意嘅每一個部分，但至少要享受自己所做嘅事，避免起步無耐就因為厭倦而放棄。當生意係自己熱愛嘅事，話唔定你對呢個領域所擁有嘅知識同技能，都可以幫到你盤生意更上一層樓！ 好喇，咁你可能會問：「我點先知道自己係咪真係鍾意做呢啲嘢呢？」創業之前問吓自己：每次諗起呢盤生意時，你係咪都會感到興奮？你覺得佢值唔值得你投入咁多時間同金錢？如果個答案係「NO」，咁呢盤生意可能未必適合你喇！花啲時間去尋找自己熱愛同擅長嘅領域，再發展其他嘅生意啦！ 充分了解市場環境其中一個創業新手最容易犯嘅錯誤，就係將出色嘅創業想法，放喺一個唔適合發展嘅市場。如果想減低呢個風險，就需要喺創業前做足功課，了解清楚相關市場嘅資訊！不妨試吓同潛在客人傾計，了解佢哋對你即將要推出嘅產品有無興趣、會唔會想購買，如果會考慮購買，咁佢哋又願意付出幾多錢呢？除此之外，揾出潛在嘅競爭者都係成功嘅關鍵之一。透過分析唔同競爭者嘅策略去決定自己嘅商業計劃，例如參觀佢哋嘅舖頭、網頁設計同埋市場活動去獲得靈感，再諗吓如何將自己嘅賣點優化，從而喺眾多嘅競爭中脫穎而出。 準備一個簡單嘅商業計劃成為小老闆之前，記住準備一份商業計劃去整理你嘅諗法同長短目標，等你喺制定市場營銷策略嘅時侯，有更全面同清晰嘅方向，從而避免投放大量時間之後，先發現浪費咗好多冤枉錢去錯嘅地方，繼而迷失方向，最終放棄收場。讀書嘅時候好多時都會要做 SWOT analysis，喺呢個時候就大派用場喇！運用公餘時間創業對於唔少創業新手嚟講，創業初期無任何收入係一件頭痛嘅事，尤其係大家都唔確定呢盤生意係咪一開始就會賺錢。如果不幸撞正經濟衰退，或者用錯咗某啲商業策略，分分鐘仲會蝕錢添！所以，為咗確保有穩定嘅收入來源去支持你嘅小生意，不妨先喺有正職嘅情況下開始創業啦！ 不斷進修學習喺呢個資訊豐富嘅年代，我哋可以輕易地揾到各式各樣嘅免費資源。例如喺YouTube睇到免費嘅教學片、圖書館借到相關嘅工具書、Google到困惑咗你好耐嘅問題等等。透過閱讀更多去增值自己嘅同時，再汲取前人犯錯嘅經驗，就係成功嘅關鍵喇！ 創業從來都唔係一件簡單嘅事，你需要投放大量時間同心機，先會取得成功嘅入場券。希望大家睇完以上嘅資訊，可以對發展你嘅小生意有更清楚嘅方向啦！

5個創業新手小貼士

成日可以周圍飛去旅行梗係正啦！但無奈自己budget有限……唔使擔心！呢到有幾個慳錢旅行貼士，等你開心去到旅行之餘又可以慳到錢！淡季先去旅行 由於唔少人要等到公眾假期先有時間去旅行度假，所以如果撞正喺聖誕節、新年同埋暑假呢啲旺季去旅行，使費就自然會貴啲啦！作為精明嘅旅行達人，如果可以避開喺呢啲黃金時間去旅行，就會發現小至紀念品，大至住宿同機票費用，都可以平過旺季好多倍㗎！ 旅行前做足功課 如果你成日都等出發前一分鐘，先臨急上網訂機票同酒店，你會發現佢哋會比平日價錢貴好多！想慳錢窮遊，就記得要提早做好功課喇！你可能會喺搵資料嘅時候意外發現某啲旅行路線係特別抵玩，又或者團購優惠有著數，甚至格價時發現喺唔同網頁訂購嘅服務價錢都可以差好遠！夾夾埋埋，又可以慳返一筆！帶齊旅行用品 如果你出發前執齊要用嘅物品，去到目的地就唔需要再額外買喇！其實旅行目的地物價較低，有無帶齊嘢都唔太重要；但當去到瑞士呢啲物價較高嘅國家，帶齊旅行用品就真係好重要喇！好簡單，一個生活喺高物價城市嘅香港人去越南旅行，自然會覺得當地嘅嘢平，唔介意喺當地消費；相反，如果越南人去到物價高企嘅香港，佢哋自然會傾向喺自己國家準備好晒所有旅行必需品先出發，避免不必要嘅消費！ 入住青年旅館 如果你想節省旅費，又唔介意同其他人共享房間嘅話，青年旅舍就啱你喇！除咗可以慳返昂貴嘅酒店費用，仲有機會識到來自世界各地嘅新朋友添！除咗共享房間，你仲可以享用佢哋嘅廚房同客廳，某啲旅舍仲會提供免費嘅當地遊添！所以，如果你唔抗拒同陌生人共享房間，青年旅舍都係一個性價比高嘅窮遊住宿選擇。 了解當地人買嘢勝地 啱啱到達目的地，唔知邊到shopping或者食飯最抵都好合理嘅，唔好彩仲可能做埋水魚添！但當地人熟悉嘅嘢一定比你多，所以善用同當地人交流嘅機會，了解吓邊到買嘢最平、邊間餐廳性價比高，相信都會幫你慳返唔少。大部份當地人見到有旅客肯入鄉隨俗，相信都會好樂意幫你手！ 善用學生優惠 如果你係學生，或者仲持有有效學生證嘅話，就可以喺提供學生優惠嘅旅遊景點慳返筆喇！你可以喺搭車時享有學生優惠、睇戲或者參觀唔同博物館時用學生價畀錢。如果咁啱去到一個附近有學校嘅地方，好彩嘅話，可能仲會撞正提供學生餐嘅餐廳添！呢啲優惠可能由九五折至半價不等，但都可以幫窮遊嘅你慳返唔少。所以，記得帶埋學生證去旅行，同埋消費前問定相關店舖有無提供學生優惠喇！希望以上嘅慳錢旅行貼士，可以幫到你實踐精明旅行啦！想儲錢計劃喺疫情後去個長旅行？了解一吓彈性極高嘅GoSave 定期存款計劃啦！

6個精明旅行貼士 有得玩又有得慳

「買唔買樓好呢？」生活喺香港，相信大家都成日見到身邊嘅朋友煩惱梗呢個問題。不過煩惱完，都要做決定㗎！今次就同大家睇吓買樓同租樓有咩優點同風險，以及做決定前要考慮嘅因素！ 買樓有咩好處？1.長期投資買樓係唔少香港人進行資產增值嘅方法，而成為業主，唔單止可以喺樓價上升時得到財富嘅增值，仲可以透過租屋賺取被動收入。 2.擁有居住自由你可以喺自己屋企無拘無束咁生活，例如養寵物、換電器、重新裝修屋企等等，基本上無人可以限制到你。 3.夠安定有咗自己層樓，唔止可以令生活安定落嚟，仲係一件值得自豪嘅事嚟㗎！ 買樓嘅風險1.長期責任借樓宇按揭需要你付出一筆巨額首期先，仲要求你之後嘅30年每個月分期付款，係一個年期頗長嘅債務責任。 2.負擔其他費用擁有一個物業，意味住多一份責任。業主需要支付大廈維修費、物業稅同管理費，夾夾埋埋都唔係一筆小數目。 3.流動性較低雖然買樓可以令到生活安定，但都意味著流動性會較低。如果有份好吸引但地理位置距離屋企好遠嘅工作，你未必可以好似租樓咁即刻接受，話搬就搬。 租樓有咩好處？ 1.容易搬遷 當租約完結時，你可以按照自己嘅經濟狀況、喜好以及各項其他因素，搬去任何想住嘅地方。 2.幾乎無需要承擔房屋維修費租戶通常都唔需要承擔房屋嘅各種費用，包括維修費、保養費以及電器安裝費用，例如冷氣機。 3.入場費較低唔需要好似買樓咁一嚟就要付出巨額資金，或者要借樓宇按揭。作為租客，只需要付出保證金，以及每個月嘅月租就解決到住屋問題。 租樓嘅風險1.被驅逐嘅可能始終係租樓，當業主決定賣樓時，你就需要物色下一個居住地方。 2.無裝修自由 作為租戶，好少機會可以對間屋進行大改造。如果咁啱唔好彩租到間居住環境好陳舊嘅屋，好多時只可以將就下。 3.租金唔穩定租金可升可跌，今日你可能交梗一個自己能力範圍內嘅租金，但租約期滿後業主可能有加租嘅可能性。 4.難以累積財富正常情況下，租樓幾乎係無任何投資同儲蓄價值。當租約滿期時，你可以帶走嘅只有你自己同屬於自己嘅傢俬。自己嘅財富無增加到，但業主嘅資產就因為你每個月交嘅租金而增加咗唔少。 咁究竟租樓定買樓好呢？ 雖然錢喺呢到扮演咗一個好重要嘅角色，但當真係決定買樓定租樓時，都有好多其他因素要考慮埋㗎！例如你打算喺呢間屋住幾耐、未來嘅職業方向、人生計劃等等，都係重要嘅考慮因素。 如果你覺得自己係時候喺一個地方安定落嚟，咁買樓可能會啱你多啲。而下一步你要做嘅，就係計吓自己可以承擔到借幾多錢，以及需要儲幾多錢。 如果你覺得呢個世界仲有好多地方等住你去探索、計劃之後移民，咁租樓就會靈活好多，亦會更加適合你喇！ 想有良好嘅信用評級去借貸或做按揭，不妨由控制支出開始啦！

買樓定租樓好？睇下邊個適合你多啲！

上車置業，可能係大部份人人生中嘅一個重要決定。而當中小小嘅失誤，分分鐘可能會令大家得不償失，而呢個就係買樓前要做足功課嘅原因喇！今次為大家介紹幾個置業小貼士，睇吓幫唔幫到你啦！ 1.了解買樓預算並及早儲錢講起上車置業，除咗每個月要拎自己部份人工出嚟供樓之餘，仲有好多其他費用要負擔，例如水電煤、物業稅同埋房屋保險等等！所以，喺買樓之前了解清楚自己可以負擔到嘅金額可以話係至關重要㗎！你可以透過有經驗嘅地產經紀去了解呢啲所需費用，再根據實際收入情況進行調整。有咗清晰嘅買樓預算後，就可以開始制定同實行儲錢計劃喇！想精明地儲錢買樓？可以考慮參加WeLab Bank 嘅 GoSave定期存款，賺取可觀嘅利息！點參加？click呢到啦👉https://www.youtube.com/watch?v=7fdc5zOOJJY&amp;list=PLFldC7ETWyLTS5-YYNBiWm5_RHaIiyd6f&amp;index=22.檢查並優化信貸記錄大家應該都知道，信貸記錄嘅好與壞係會影響到借唔借到按揭以及相關利息嘅高低。優良嘅信貸記錄有助大家更大機會爭取到較低嘅按揭利息，分分鐘幫大家慳到幾萬蚊咁多㗎！相反，如果信貸記錄表現較差，之後就要記得準時還卡數，睇吓有無機會改善到信貸記錄情況。了解咗信貸記錄嘅重要性，大家喺借錢買樓之前，就記得事先檢查自己嘅信貸記錄，如果表現欠佳，記得要改善吓！ 3.請教專業人士上車置業閒閒哋都要使成幾百萬，如果有專業人士喺隔離幫手畀下意見就最好不過喇！你可以搵經驗豐富嘅地產經紀負責提供即時諮詢；熟手嘅裝修師傅做結構評估，睇吓之後需要耗用大量資金維修嘅風險；搵按揭經紀人評估財務狀況，同埋聘請律師幫手準備交易需要嘅相關文件。 4.留意市場變化通常睇中咗層樓，就會想快啲入手買咗佢。不過買樓呢家嘢，越有耐性就越著數！市場環境就每日都有波動，所以記得畀多啲耐性關注吓物業新聞，留意樓價走勢，等到個價錢回落到合理水平甚至更低，就可以把握時機入手喇！如果身邊有一啲買樓經驗豐富嘅朋友，或者係信得過嘅地產經紀，都可以同佢哋交流了解吓個市況㗎！ 5.比較唔同公司嘅按揭利率 唔同銀行嘅按揭利息都會有所不同，作為精明消費者，記得要喺借錢前夾下價喇！通常借咁大筆數，利息方面都應該有得傾，如果情況允許嘅話，就唔好只局限於某一間公司，而去了解多幾間公司嘅按揭資料。另外，由於唔同公司最尾出到嘅利息都可能唔同，當中嘅0.5%或者1%差額都可以幫你慳到唔少㗎！ 6.儲錢、儲錢、再儲錢！講到尾，買樓最重要嘅其實都係資金，所以儲錢真係至關重要。如果想精明儲錢，就唔好錯過 WeLab Bank 嘅定期存款喇！同傳統嘅定存唔同，GoSave 年利率並唔係由金額多少去決定，而係睇參加人數：只要參加人數愈多，所獲得嘅年利率就愈高，仲可以有兩次無額外手續費嘅提款機會。想隨時提款出嚟買樓都無問題，夠晒鬆動！

6個上車置業小貼士

唔少公司都會喺年尾嘅時候向員工派發花紅，以獎勵大家呢一年對公司嘅付出。如果你咁好彩收到可觀嘅金額，但又唔知可以點使，呢篇文可能幫到你手！ 1.還清債務當每個月要還嘅債務愈多，可以用嚟計劃未來嘅錢就會變相少咗。長遠而言，如果想儲多啲錢，不妨考慮將部份年終花紅用嚟付清一啲貸款利息較高嘅債務。收到花紅時，可以第一時間check下自己係咪仲有卡數、樓宇貸款或者車貸未清晒。如果想之後畀少啲利息，就記得善用呢筆手頭上嘅資金喇！如果想避免不必要嘅債務，可以試吓用WeLab Debit Card ！當你用 debit card 碌卡買嘢，任何消費都會直接喺你嘅核心戶口扣錢，咁就唔會好似信用卡咁先使未來錢。想了解更多有關點樣申請 WeLab Debit Card 嘅資訊？即刻去片啦！ https://www.youtube.com/watch?v=OeXzX2_EyZI2.設立緊急預備金未來嘅生活可能一帆風順，亦可能不盡人意。正因為無人可以準確預測，所以做好準備先至咁重要。試諗吓當你有日面對住一大筆突如其來嘅使費，同時又無足夠資金可以應急，可能就要臨時變賣某啲資產，例如股票嚟應急！呢個正正係點解設立緊急預備金應付生活中嘅意外，係咁至關重要。你可以嘗試儲定六至十二個月嘅生活費作為緊急儲備，並將呢筆錢擺喺一個流動性高、低風險嘅戶口。條數儲落都可能需要一段時間，所以將部份年終花紅作為啟動資金，都係一個唔錯嘅選擇！3.投資自己將部份花紅投資喺自己身上都係一個明智選擇嚟㗎！工作方面，可以試吓學習一門有助自己晉升機會嘅技能，呢類投資分分鐘可以間接增加自己加人工嘅機會！你亦可以將花紅使喺充實生活方面，例如學習樂器、進修程式，或者係學習新語言等等。最後最後，投資部份花紅喺健康上都好重要㗎！購買健身會員計劃、報讀瑜伽課程同訂閱雜誌都值得一試！ 4.適當地揮霍雖然上文集中介紹善用花紅理財投資，但唔代表大家唔可以適當地獎勵下自己！辛苦工作咗成年，難得收到公司花紅，或多或少都想使少少錢買啲令自己開心嘅嘢！做吓按摩、放假時去staycation，或者同朋友食餐好，都係趁年尾好好慰勞自己嘅方法！溫馨小提示🤑:由即日起至2021年3月31日，逢星期五／六／日用WeLab Debit Card 去任何餐廳食飯、 Call車同去超市/便利店買嘢都有5%現金回贈*！💰*受條款及細則約束。優惠有效期至2021年3月31日。每位客戶在每個月可賺取高達HKD 250的特別回贈（逢星期五，六，日所進行的合資格交易）及HKD 250的基本回贈（逢星期一至四所進行的合資格交易）。

年尾理財貼士：如何善用年終花紅

根據之前做過嘅訪問，人人都話想退休，又係咪真係咁容易，定係遙不可及呢？退休意味著之後嘅日子好大機會都唔使打工，收入自然大大減少。點樣喺無穩定嘅主動收入下，又可以生活得無憂無慮，正正取決於你有無一個好嘅退休規劃！諗過要40歲退休嘅你，不如用 3分鐘去了解吓退休有咩要留意嘅地方，儘早規劃啦！ 1.退休開支預算隨著年紀漸增，大家嘅消費習慣可能有所變化。例如年紀大咗，旅行嘆世界嘅使費就相對增加，而服裝方面嘅開支可能就會相對少過退休前。不過，正因為每個人退休後嘅生活都有所不同，開支自然有所差異，所以更加要預算吓自己嘅退休開支。仔細諗下自己退休後想過嘅生活同宜家有咩唔同，每日嘅生活成本大約需要幾多，有咗個大致方向同目標之後，就可以開始儲定退休金喇！ 2.預計退休後嘅醫療開支年紀大咗，醫療方面嘅開支可能都會增加。如果你就嚟退休，不妨花少少時間做個身體檢查，亦可以了解返自己嘅家族病例、平均壽命等等，從而對自己退休後嘅健康狀況有個大致預測。當然，並唔係每個人都可以準確預測到未來，如果想保守啲，都可以提早買定醫療保險，萬一唔好彩要睇醫生，都可以減少自己荷包嘅壓力。另外，都要記得儲定一筆緊急醫療金啊！ 3.準時還清債務債務愈多，退休後可以使嘅閒錢自然就愈少。如果唔想退休後都要繼續償還債務，就要趁宜家儘快還晒佢喇！除此之外，你都可以透過 debit card 或者現金畀錢嘅方式，減少要還卡數嘅機會。做齊呢兩樣嘢，就唔怕到時仲要用退休金還利息喇！ 4.規劃退休生活地點退休後嘅居住地點都係值得規劃嘅一部分，因為佢會影響你儲嘅退休金金額。如果想留喺現有嘅城市，但同時想經濟啲，就可以考慮搬去細啲嘅屋。你亦可考慮並搬去一啲生活成本較低嘅國家生活[JC1] 。但如果因為想見多啲仔女，同時唔想太大轉變，咁就要慳啲使喇！ 5.諮詢專業人士如果做齊以上嘅步驟，都仍然對自己嘅退休計劃唔係好有信心，就應該考慮搵專業人士諮詢吓！退休咁大嘅決定，搵人畀意見都未嘗係一件壞事。無論係請佢哋幫手審視你嘅退休計劃，定係幫手 plan 埋，呢筆錢都係值得使㗎！6.參加GoSave定期存款講到尾，決定幾時退休好大機會都係視乎你有無足夠嘅資金。不妨趁依家，利用雪球效應嘅方式儲錢喇！你可以參加WeLab Bank 嘅 GoSave 定期存款計劃，嘆住收息增加退休資金喇！同其他定期唔同，GoSave嘅年利率並唔係由金額多少去決定，而係睇參加人數：只要參加人數愈多，所獲得嘅年利率就愈高，仲可以有兩次無額外手續費嘅提款機會。好多人唔鍾意做定存，都係擔心存款年期未到嘅時候萬一急要用錢，無息之餘仲要被罰手續費，而 GoSave 就無呢個煩惱啦！ 點樣申請WeLab Bank戶口👉 https://www.youtube.com/watch?v=3TGXEBrQz-0&amp;t

6個退休規劃小貼士

請追蹤WeLab Bank blog 以獲取產品發佈丶功能更新丶用家分享等。瀏覽不同類別嘅文章：

任何有關WeLab Bank 產品發布丶理財貼士同客戶分享等，甚至係香港fintech 新動向，都會喺度同大家分享！

最新消息