入錢，從此更簡單
透過「轉數快」嘅「電子直接付款授權」增值服務，你可以經由我哋嘅 App 綁定指定銀行戶口，之後直接入錢到 WeLab Bank 戶口。唔使再喺唔同銀行 App 之間周圍走，一個 WeLab Bank App 就搞掂晒。只要簡單綁定你喺其他銀行嘅戶口1次，以後就可以隨時用 WeLab Bank App 入錢，10分鐘內*就到賬！免費、極速又方便。
*實際戶口綁定同轉賬所需時間視乎付款銀行處理而定
自動兼智能
唔洗再心掛掛記住幾時入錢啦！而家用我哋嘅自動入錢功能，即可預設指定日子入錢，為之後嘅交易做好準備。
同時我哋致力為你提供智能嘅銀行體驗，因此你可以設定戶口結餘不足時自動增值戶口。就好似每當你用咗張WeLab Global Wallet扣賬卡消費，我哋就幫你自動入番錢*，等你準備好買下一次嘢！
*當核心賬戶結餘不足預先設定金額時
為你度身訂造
選擇按不同嘅時間（每日、每星期、每兩個星期、每月），又或者當戶口結餘低於特定金額時 eDDA 入錢。自訂真正符合你財務需要同習慣嘅自動入錢規則。
即使我地未提供出糧戶口，你都可以設定每月自動入錢過嚟，以便享用我哋各項銀行服務。
又或者透過自動增值你嘅戶口，你可以避免下次喺店舖用 WeLab Global Wallet 扣賬卡時出現交易被拒嘅尷尬場面 （諗下後面條隊有幾多人望住你？👀）
點樣綁定其他銀行嘅戶口?
第1步 - 撳立即登記
如果你從未綁定或現時未有綁定戶口，你可以喺「存款與轉賬」嘅頁面撳「存款」然後「立即登記」嚟綁定你名下其他銀行戶口進行 eDDA 入錢。
如果你想新增其他銀行賬戶，撳已綁定銀行彈出其他銀行選單，揀最底嘅「新增綁定賬戶」
第2步 - 選擇銀行
揀選你想綁定嘅銀行。
第3步 - 輸入綁定銀行嘅戶口號碼
銀行編號已自動預先輸入好，你只需要輸入綁定銀行嘅戶口號碼。
第4步 - 設定每日 eDDA 入錢上限
每日入錢上限預設為HKD 500,000，你可按自己需要更改每日從呢個綁定戶口入錢去 WeLab Bank 嘅上限。留意如果日後你想更改呢個限額，你需要重新綁定戶口。
第5步 - 成功綁定
收到雙方銀行嘅確認之後，你就可以喺我地嗰 App 度入錢！
點樣設定自動入錢？
第1步：首先喺主頁面㩒「存款」
第2步：按上面指示綁定你嘅其他銀行戶口，或選擇你已綁定嘅其他銀行戶口
第3步：輸入每次入錢嘅金額
第4步：點選「自動入錢」，選擇自動入錢嘅開始日期同規則類型
第5步：㩒「確定」儲存規則。如果入錢嘅條件符合你宜家嘅情況，就會馬上入錢一次
第6步：你可以喺「自動入錢設定」頁面查看你所設置嘅自動入錢規則。首先前往「存款與轉賬」頁面，然後㩒「設定」
立即開戶！
立即下載 WeLab Bank App， 開啟新世代銀行服務 ！
遇到問題？有我哋幫手！
WeLab Bank支援綁定邊啲銀行嘅戶口?
你可以喺我地app嘅綁定戶口登記頁面瀏覽現時嘅銀行名單。
eDDA 入錢嘅最大金額係幾多？
每間銀行的每次入錢嘅最高金額可能有所不同而且次數不限，但每日入錢上限為 HKD 500,000。你需要喺綁定戶口時設置呢個上限。此限額同時適用於立即同預定 eDDA 入錢轉賬。
如果我名下戶口嘅銀行未被 WeLab Bank 支援，又或者我想存入大筆金額，可以點做?
如果你嘅銀行未被我地支援，你可以透過登記轉數快嘅渠道存入資金。
如果你想存入多過 HKD 2,000，你可以從已綁定戶口進行多次 eDDA 入錢。如果你想重覆轉賬，可以設定多條自動入錢規則以減輕不便。
綁定銀行戶口有咩要求？
你選擇綁定嘅戶口持有人名稱必須同你喺 WeLab Bank 登記嘅名稱一樣，而你喺每間銀行只可綁定一個戶口。
我可以點樣更改現有嘅自動入錢規則？
你可以隨時前往「存款與轉賬」 >「設定」>「自動入錢設定」編輯或刪除你嘅自動入錢規則。
自動入錢嘅轉賬會嘅幾時發生？
所有預定嘅自動入錢轉賬會喺開始日期之後嘅適用曆日早上（通常早上 8 點之前）執行。咁樣我哋就幫到你喺新嘅一日有足夠嘅錢出街！
如遇上系統或轉數快故障及維護，預定嘅轉賬會喺服務恢復後執行。當我哋發出自動入錢轉賬時你會收到我哋嘅通知。
實際轉賬所需時間視乎付款銀行處理而定。
我可以設定幾多條自動入錢規則？
你可以設定最多10條自動入錢規則。另外你只能設定一條「當戶口結餘不足」嘅規則。
「當戶口結餘不足」嘅規則中，戶口結餘低於幾多錢時會入錢？
當然係由你話事！我們為你提供最大嘅靈活性，你可以設定戶口結餘不足幾多錢時每次入幾多錢。我哋建議你設定至少同你日常交易差唔多嘅金額。
我點樣可以知道已按預定入錢？
當每次我哋成功執行自動入錢規則嘅交易時，你將會收到我哋嘅通知。