基金投資新手指南｜了解基金種類，點揀第一隻基金

想開始投資，但一打開投資平台，見到唔同基金就即刻卻步：股票基金、債券基金、市場貨幣基金、股債混合型基金……到底有咩分別？新手應該由邊一隻開始？

其實，揀基金唔一定要好專業，重點係揀「適合自己」嘅基金。只要清楚自己嘅投資目標同風險承受能力，新手一樣可以揀到適合自己嘅選擇。以下內容會用簡單直接嘅方式，幫你了解基金種類，同時一步步教你揀第一隻基金，令基金投資變得更輕鬆。

什麼是基金投資？點解新手特別適合由基金開始？

簡單嚟講，基金投資就係集合一班投資者嘅資金，由專業基金經理幫你投資唔同資產，例如股票、債券或者貨幣市場工具。

相比起自己買股票，基金投資對新手有幾個明顯優勢：

✅ 分散風險：一隻基金通常已投資多間公司或多類資產，減低單一投資嘅風險

✅ 專人管理：由專業團隊負責選股同調整比例，可節省大量嘅市埸研究及操作時間。

✅ 入場門檻較低：唔需要大額資金都可以開始

對於無時間研究市場，或者第一次接觸投資嘅人嚟講，基金投資係一個相對簡單、易上手嘅選擇。

基金投資主要有咩種類？一次過了解 4 大基金種類

開始揀基金之前，最重要係了解基金背後實際投資緊嘅資產同行業。唔同基金投資嘅目的各有不同，無論係股票、債券，定係特定行業或市場，都會直接影響基金嘅風險水平同潛在回報。

股票基金：追求長線增長

股票基金主要投資於上市公司股票，特點係：

📈 潛在回報較高

📉 價格波動較大

⏳ 較適合中長線投資

如果你投資年期較長，亦可以接受短期上落，股票基金可能會係你基金投資組合嘅一部分。

債券基金：以穩定為先

債券基金主要投資政府或企業發行嘅債券。

✅ 波動相對較低

✅ 收益較穩定

❌ 回報一般低過股票基金

債券基金適合比較保守、希望資產較穩定嘅投資者，亦常見於平衡型或混合型基金入面。

市場貨幣基金：低風險、流動性高

市場貨幣基金主要投資短期、較高流動性嘅國債、商業票據及存款證。

🔒 風險相對較低

💧 流動性高，資金進出較靈活

📉 回報通常較股票或混合型基金低

由於波動性較細，呢類基金比較似「升級版現金管理工具」，較適合用作短期資金停泊，而唔係以追求高回報為主要目標。

✨ WeLab 閒智寶 具備高流動性同高靈活性。於交易日截單時間（香港時間早上 9 點）前成功提交嘅基金交易指示，認購可即日完成交收，並由當日開始累計收益¹；而於截單時間前提交嘅贖回指示，資金亦可即日到賬¹，方便用戶隨時調配資金。

✨此外，WeLab 閒智寶提供 $0 認購費、$0 贖回費、$0 平台費²，讓你以更低成本管理短期資金流動，了解更多https://www.welab.bank/zh/feature/welab-money-plus/

股債混合型基金：新手常見選擇

股債混合型基金會同時投資於股票同債券，部分基金亦會分散投資於不同行業或不同國家／地區，投資比例會因基金策略而有所不同。

⚖️ 平衡風險與回報

✅ 由基金經理協助做資產配置

✅ 波動一般比純股票基金低

對於第一次做基金投資、又唔想花太多時間研究資產分配嘅新手嚟講，股債混合型基金往往係一個相對容易入門、亦較平衡嘅選擇。

點解「資產配置」咁重要？基金已幫你做到一半

好多人一講到投資，都會諗：「邊一隻基金回報最高？」但其實，投資成效好唔好，往往唔只取決於你揀咗邊一隻基金，而係你嘅資金點樣分配。呢個概念，就係所謂嘅——資產配置。

如果你將全部資金都投放喺同一類資產，一旦市場出現波動，影響就會特別大；相反，將資金分散喺唔同資產，即使其中一部分表現波動，其他部分亦可以幫手拉平整體影響。

例如：

股票：負責為投資組合帶來增長，但價格上落較大
債券：表現相對穩定，有助減低整體波動
貨幣市場：保持資金流動性，方便隨時調配

透過將資金分配喺唔同類型資產，你可以喺追求回報同控制風險之間取得較好平衡。

而基金投資其中一個優勢，就係一開始已經幫你做好基本資產配置。相比起單一股票投資，基金本身已將資金分散投放喺多個資產、行業或市場，令整體風險自然降低。對投資新手嚟講，呢種「自動分散風險」嘅特性，正正係基金投資最實用、亦最重要嘅價值之一。

基金投資點揀？用 3 個問題幫你釐清方向

對於基金投資新手嚟講，揀第一隻基金其實可以由了解自己開始。以下 3 條問題，可以幫你釐清投資方向，縮窄選擇範圍，作為了解基金時嘅參考：

1️⃣ 你打算投資幾耐？

投資年期會影響你對短期價格波動嘅承受程度。一般嚟講，投資時間越長，面對市場上落時嘅彈性相對較大；相反，短期資金則通常較著重穩定性同流動性。

較短期嘅投資安排（1 年內）：通常會較關注資金靈活性
較長期嘅投資計劃（3–5 年以上）：有較多空間應對市場波動

2️⃣ 你對價格上落嘅接受程度？

唔同基金嘅價格波動程度可以相差好遠，而投資體驗往往同心理承受能力有好大關係。

如果價格下跌會令你感到不安，可能較需要留意波動較低 / 保守嘅投資選項
如果你能接受短期波動，並以較長時間作考慮，可考慮較進取基金

揀一個自己心理上可以接受嘅投資方式，長遠更容易持續參與基金投資。

3️⃣ 你投資嘅主要目標係乜？

開始基金投資之前，清楚自己嘅目標好重要，因為唔同基金設計嘅取向亦有所不同。

一般嚟講，投資目標可能包括：

以穩定為主：較關注整體波動程度同表現穩定性
以增值為目標：較著重長線增長潛力，價格上落可能相對明顯
以靈活為考慮：較重視資金調動彈性同流動性

當你清楚自己嘅投資目標，就更容易按基金嘅特性作比較，令基金投資方向變得更清晰。

結語：基金投資，可以由一個小決定開始

基金投資唔需要一步到位，亦唔一定要一次過投放大量資金。只要你願意花少少時間了解基金種類，同時清楚自己嘅投資目標同風險取向，新手一樣可以按自己節奏，慢慢建立屬於自己嘅投資方式。

如果你正考慮開始投資，但又唔知由邊一步行起，不妨先由一隻適合自己需要嘅基金開始，逐步累積經驗，令基金投資成為你長線理財計劃嘅一部分。

👉 立即下載 WeLab Bank App，最快 5 分鐘手機開戶³，隨時隨地開始探索適合你嘅投資選擇，踏出你嘅投資第一步！

備註：

1. 即日認購或贖回基金只適用於在WeLab閒智寶交易日截單時間（香港時間早上九點）前成功提交的WeLab閒智寶交易指示。累計收益指分配至累積型基金（非派息類別基金）的收入或收益將不會予以派發，但其每股資產淨值將就上述收入或收益而有所增加。

2. WeLab 閒智寶豁免收取基金平台費（每月0.10%），請參閱WeLab Bank App內的基金詳情頁面及一般服務收費。

3. 開戶實際時間可能因網路，手機及所需文件等因素而有差異。

重要聲明：

本文件僅供一般參考，且不構成專業投資意見或對任何人作出買賣、認購或交易任何投資產品或服務的要約、招攬、建議、意見或任何保證。本文件僅用作一般評估，並未考慮任何特定人士或特定類別人士的具體投資目標、財務狀況或特定需求等，本文件並非專為任何特定人士或特定類別人士擬備。投資產品或服務並不等同，亦不應被視為定期存款的代替品，不會受香港的存款保障計劃所保障。

有關資料或意見由WeLab Bank開發及/或取自WeLab Bank可靠之來源 (包括但不限於資料供應商及基金公司)，但WeLab Bank恕不就其準確性、正確性、可靠性或其他方面作出任何保證或聲明，亦不就本文件之內容的任何遺漏或錯誤承擔任何義務或責任。WeLab Bank不會就本文件所載之資料或意見負責或認可。

投資涉及風險，基金價格可升可跌，甚至可能變成毫無價值。過往表現並非未來績效的指標。WeLab Bank並無對未來表現作出任何陳述或保證。本文件中任何對利率、匯率或巿場價格的未來可能變動或者未來可能發生的事件的任何預測僅為參考意見，並非利率、匯率或巿場價格的未來實際變動或未來實際發生的事件（視屬何情況而定）的保證指標。

你不應基於本文件而作出投資決定。你在作出任何投資決定之前，須評估本身的財務狀況、投資目標及經驗、承受風險的意願及能力，並了解有關產品的性質及風險。WeLab Bank概不就因使用或依賴本文件所載之資料或意見而產生的任何直接、間接、特別、偶發或相應損害承擔任何責任。如有需要，你應徵詢獨立財務顧問的意見。

Welab Bank Limited為《銀行業條例》第 IV 部之下的認可機構，以及《證券及期貨條例》之下的註冊機構（CE 編號：BOJ558 ），獲准經營第 1 類（證券交易）及第 4 類（就證券提供意見）之受規管活動。

本文件由 Welab Bank Limited 刊發，內容並未經證券及期貨事務監察委員會審閱。