點樣透過轉數快轉賬？

WeLab Bank app提供四大方法等你輕鬆輸入收款人，等你畀家用、同朋友食飯夾錢以至交租都即時搞掂！

方法1 – 輸入收款人嘅轉數快識別代號

你可透過直接輸入收款人已登記轉數快嘅手機號碼、電郵地址或轉數快識別碼嚟過數。

你可透過向WeLab Bank app提供權限去直接從你嘅手機通訊錄尋找並選擇收款人。注意只適用於已登記轉數快嘅收款人聯絡紀錄。

你可透過選擇收款人嘅銀行，再輸入佢嘅戶口號碼同姓名，經轉數快進行過數。

過數時你可以將收款人加作常用收款人，之後你就可以直接從「我的收款人」選單中選擇收款人，方便又快捷。

或者你只需掃描收款人提供嘅轉數快QR Code

第1步：選擇收款人

按上面嘅方法1-4輸入你嘅收款人。

第2步：輸入過數資料

輸入過數金額同俾收款人嘅訊息。如果你係過數俾收款人嘅手提號碼或者電郵地址，你仲可以揀選收款銀行 (須為已連結轉數快嘅銀行戶口) 。

第3步：通過身份驗證

如果你嘅轉賬金額高於HKD 10,000或者過數俾唔係你嘅常用收款人(「我的收款人」)，則需要通過進一步嘅身份驗證。

第4步：成功過數

你會收到短訊或電郵通知，話咁快就成功透過轉數快過數喇！

[1] 每日交易限額為HKD 15,000，當賬戶經過審核後，每日交易限額將提高為HKD 1,000,000。

[2] 你可以喺WeLab Bank app入面嘅「我的賬戶」>「設定」然後撳「每日交易限額」設定你嘅交易限額。

[3] 你可以去「我的賬戶」>「設定」然後撳「轉數快設定」管理你嘅登記設定。