點樣過數到轉數快QR Code？
我們一直努力令你嘅銀行體驗變得簡單同方便。宜家你只需掃描轉數快QR Code，即可輕鬆過數俾你嘅親友或者繳付商戶賬單，實行即Scan即付！
一Scan即繳費
交錢唔再需要手動輸入冗長嘅賬戶同賬單號碼，以及受營業時間約束 😍
如果你嘅商戶支持轉數快QR Code繳費，只需要喺 WeLab Bank app掃描一次QR Code，我哋就會幫你馬上填好賬單詳情*。檢查一下然後一撳!你嘅賬單已經找好數喇#！ 💸
* 預先填寫賬單詳情以商戶配置為準
# 實際結算時間視乎收款銀行處理
所有賬單同商戶付款一概KO
你可以喺實體或電子賬單通知書，又或者商戶嘅流動應用程式揾到商戶轉數快QR Code。如果你喺網上購物，你可以喺結賬頁面揾到。
立即透過轉數快QR Code繳付以下賬單同商戶付款^：
📃 稅款、差餉及地租
🚿 水費
💡電費
🍳 煤氣/液化石油氣 (LPG)
🏠 物業管理
📱 電訊/收費電視
☂️ 保險
🛍️ 網購
🏫教育
🏥 醫療
^ 個別接受轉數快QR Code繳費之商戶
輕鬆過數
你亦可以透過掃描朋友嘅轉數快QR Code過數比佢哋，而唔洗再手動輸入轉數快識別代號同付款金額&。又或建立你自己嘅轉數快QR Code然後分享俾你嘅付款人嚟收錢。用嚟收番食晏錢就正啦！
& 以轉數快QR Code配置為準
點樣透過轉數快QR Code繳費或轉賬?
第1步：選擇轉賬方式
你可以喺WeLab Bank App中嘅導覽列按「轉賬與兌換」，然後選擇「QR Code」。
第2步：掃描轉數快QR Code
掃描個人或商戶嘅轉數快QR Code，又或者喺你手機嘅相片庫匯入截圖。
第3步：檢視過數資料
檢查收款人/商戶資訊，以及檢視或編輯付款金額(如適用)。如果一切正確，可提交你嘅轉賬。
第４步：通過身份驗證
如果你繳付予商戶，則需要通過進一步嘅身份驗證 。
第５步：成功過數
你會收到短訊或電郵通知，話咁快就成功透過轉數快過數喇！
點樣透過轉數快QR Code收錢?
第1步：選擇轉賬方式
你可以喺WeLab Bank App中嘅導覽列按「轉賬與兌換」，然後選擇「QR Code」。
第2步：建立你嘅轉數快QR Code
選擇「我嘅QR Code」，你就會見到屬於你個人嘅轉數快QR Code。如果你登記左多於一個轉數快識別代號，你可以選擇使用邊一個轉數快識別代號連結轉數快QR Code。
如果你仲未喺我哋銀行登記轉數快，你可以先按「立即登記」，然後你就可以建立你嘅轉數快QR Code。
第3步：分享你嘅轉數快QR Code
將你嘅轉數快QR Code分享俾你嘅付款人。佢哋可以透過其銀行嘅手機QR Code掃描程式掃描你嘅QR Code。
立即開戶！
立即下載 WeLab Bank app， 開啟新世代銀行服務 ！
遇到問題？有我哋幫手！
邊啲商戶接受轉數快QR Code付款？
請直接向你嘅商戶確認佢哋接受轉數快QR Code賬單繳付與否。
我可以喺邊到揾到商戶嘅轉數快QR Code？
你通常可以喺透過賬單列印本、商戶手機應用程式或電郵發放嘅賬單通知或結單上揾到用以繳費嘅轉數快QR Code。如果你喺網上購物，你通常會喺結賬階段選擇轉數快作為付款方式後揾到轉數快QR Code。
如有問題，請聯絡商戶尋求協助。
使用轉數快QR Code付款安唔安全㗎？
當然安全啦！當你透過WeLab Bank app掃描轉數快商戶QR Code時，我哋將會透過生物認證功能或流動保安編碼驗證你嘅身份同交易詳情，咁樣就可以確保你係賬戶嘅唯一使用者。
點解會顯示轉數快QR Code無效嘅錯誤訊息？
請確保你正在掃描或匯入連結已登記轉數快用戶嘅轉數快QR Code。如有問題，請聯絡收款人或商戶尋求協助。
點解我無法編輯賬單/商戶繳付嘅付款金額？
有啲商戶會固定咗轉數快QR Code中嘅付款金額，通常係特定嘅賬單金額。如有疑問，可聯繫商戶尋求協助。