2026 日本退稅教學：自由行必睇退稅流程、門檻、注意事項 + 日本碌卡攻略

近年日圓低位，越來越多香港人選擇去日本旅行🎎，購物時選擇有退稅選項嘅商店就可以慳返唔少，特別係你準備喺 2026年11月去日本自由行掃貨，更加要搞清楚日本退稅最新政策 2026、退稅門檻、退稅流程同注意事項。

呢篇文章會帶你由零開始了解：

• 日本退稅制度重點：2024 舊制 vs 2026 新制
• 日本退稅變動 + 門檻
• 最新日本退稅流程（J‑Tax Free System）
• 日本退稅最著數方法

日本退稅新制┃2026年11月全面實施：由「即買即退」走向「先付後退」

以往大部分香港旅客去日本購物嘅經驗都係「即買即退」模式：只要你喺標示 Japan Tax-free Shop 嘅店舖消費約5,500日圓（含稅價），出示護照之後就可以用免稅價付款。

但近年日本政府為咗防止有人大量購買免稅商品但係冇帶出境，預計由 2026年11月1日起就會全面實施「先付後退」新制。

主要變化：

2026日本退稅教學 | 退稅流程 + 所需文件，出發前要準備咩？

日本國稅廳規定，免稅購物只適用於「非日本居住者」，一般指持有 短期逗留（Temporary Visitor） 身份入境的旅客。要確保退稅順利，你需要注意：

• 確保你係用旅客身份入境
• 付款時需出示 實體護照 俾店員核對
• 如果經自動閘門入境，而未蓋入境章，有機會因無法證明入境日期而無法退稅
• 如果使用信用卡或者扣賬卡，持卡人同護照持有人需要一致

日本退稅流程教學

根據日本官方退稅系統「J‑Tax Free System」公布¹，新退稅制度將會分為三個主要步驟：

STEP 1｜購物時先支付含稅全額（並取得 QR Code）

購物時，商店會按正常流程登記免稅購物紀錄，而你要先支付全額（含稅）。完成付款後，商店會提供一個退稅 QR Code。呢個 QR Code 可能會印在收據上，亦可能以另一張紙提供，但記住一定要妥善保存，因為整個退稅流程都係靠呢個 QR Code 去追蹤和確認你嘅購物紀錄。

STEP 2｜掃描 QR Code，上網完成退稅登記

獲得QR Code 後，你需要用手機掃描並進入官方退稅網站 「J‑Tax Refund」，輸入資料後你可以選擇退稅方式，例如信用卡、扣賬卡、銀行戶口、現金等等。

• 🚨 旅行退稅Tips，小心信用卡手續費：如果選擇信用卡退稅，就要特別小心「動態貨幣轉換簽賬手續費」（DCC），部分信用卡未必可以以日圓直接處理退稅，系統可能會將金額以港幣退回信用卡，呢個情況就有機會按DCC 機制下嘅匯率處理，DCC 匯率通常唔靚，仲有機會額外加收 3% - 5%手續費。

👉️ 了解更多「信用卡手續費」

• ✨️ 慳手續費之選：選擇WeLab Global Wallet 扣賬卡，除左$0 兌換外幣²同豁免10種外幣交易手續費³，以日圓退稅仲可以放喺戶口，相比現金更容易處理，留番下次去日本再用，更實在！

完成首次登記後，之後喺其他免稅店購物時，只需要Keep好 QR Code，所有新紀錄都會自動加到你嘅帳戶內，無需重複輸入資料。你亦可以隨時查看已登記嘅免稅購買紀錄，確保所有商品都順利記錄在案。

STEP 3｜機場海關審核後確認退稅

到達日本機場或其他出境地點，需要前往海關退稅檢查區。方法非常簡單：

• 將護照放到自助 KIOSK 掃描 / 前往櫃檯協助
• 系統會讀取你嘅購物紀錄
• 海關會判斷是否需要進一步查驗商品
• 最後，退稅金額會按照你在第二步選擇嘅方式退回

總結：

2026年11月起，日本退稅制度將會更加透明同一體化，由「即買即退」全面過渡到「先付後退」，對於鍾意去日本自由行嘅你更方便、流程亦更清晰。無論你係買藥妝、去 Outlet 買手袋，定係每次旅行都會買嘅手信，新制度會令你可以買得更安心、退稅更有保障。

✈️如果你已經計劃去日本旅行，而又想慳匯率、慳手續費、又方便管理外幣，立即下載 WeLab Bank App申請 WeLab Global Wallet 扣賬卡💳️，享受 10種外幣 $0 交易手續費³！最快 5 分鐘手機開戶⁴，即刻體驗！

^備註：

^{(1) 資料來源：J&J Tax Free 《關於新的免稅制度「退稅系統」》}

^{(2) 手續費指外匯交易手續費豁免。}

^{(3) 海外簽賬將以交易所在地的當地貨幣或港元結算：(A) 以當地貨幣結算的交易，(i) 如以任何10種支援外幣（包括日圓、美元、人民幣、澳元、英鎊、歐羅、新加坡元、加拿大元、瑞士法郎及紐西蘭元）結算，可享外幣交易手續費豁免，及(ii) 如完成交易須進行外幣兌換，兌換將以我們當時之現行匯率進行，並且不會收取外匯交易手續費。(B) 以港元結算的交易，該交易將不會被視為外幣交易，並會受商戶銀行所制定的匯率、費用及相關收費所約束，而非我們所決定。}

^{4) 開戶實際時間可能因網路，手機及所需文件等因素而有差異。}

^{重要聲明：以上內容僅供參考。外幣兌換涉及匯率風險。外幣的價值須承受因匯率波動而產生的風險。因此，當客戶將港幣或其他外幣兌換成另一種貨幣，及／或將外幣兌換成港元時，可能會出現利潤或蒙受虧損。以上內容並非亦不構成認購或進行任何交易的要約、建議、邀請或招攬。}

^{註：「動態貨幣兌換交易」（DCC）可在海外提款、商戶簽賬或網上簽賬時發生。如出現兌換匯率或提供選項將港幣兌換成外幣或以港幣作結算可能涉及較高費用。WeLab Bank 概不負責商戶就該交易收取的任何費用及收費。}