「GoWealth智能理財顧問服務」所運用嘅演算法依賴你所提供嘅資料，加上我哋於資本市場上對各種類別資產嘅預測，演算法亦依賴投資組合建議嘅風險、回報及相關性。此流程與任何類別嘅電腦程式運作相近，有一部份取決於個別人士嘅技能及知識。因此，此流程雖然電腦化，但依然需要依賴人為判斷。

當中嘅人為判斷包括我哋對資本市場預測及/或決定邊啲個人資料同提供「GoWealth智能理財顧問服務」嘅目標有關。

為咗令演算法向你提供「GoWealth智能理財顧問服務」，演算法將會採用你所提供嘅部份個人資料，或你所選擇嘅部份條件，包括但不限於以下各項：

(a) 你嘅目標特定投資目標；
(b) 你嘅目標特定投資年期；
(c) 你嘅目標特定經濟狀況，包括:

(d) 你嘅風險偏好及能力；以及/或
(e) 你嘅投資知識及經驗。

當收集有關你嘅目標嘅所需資料後，「GoWealth智能理財顧問服務」將會運用以下演算法推介投資建議：

最佳目標成功率：演算法係基於上述之建議原因，透過最佳目標成功率而產生投資組合建議，以協助你達至你設立的目標。雖然投資引擎嘅首要目標係最大化你嘅目標成功率，但投資引擎同時會以風險導向嘅方式去提供投資組合建議。因此我地嘅演算法亦設立咗一個2%嘅目標成功率緩衝範圍。投資引擎會喺2%嘅目標成功率緩衝圍入面，向你推薦最高目標成功率同埋最低預期產品風險程度嘅投資組合建議。
更高目標金額：如有可另一個可協助你達至更高目標金額而又符合你的個人情況的建議，當你同意去探索一個新嘅投資組合時，演算法會基於上述之建議原因，根據您的最新嘅目標設定同相關嘅個人情況，而產生更高目標金額的投資組合建議。但由於此投資組合可能有較大波幅，所以目標成功率有機會相應減少，而風險亦有機會相應增加，雖然此投資組合嘅風險評級符合你嘅風險偏好及風險承受能力。

演算法向你推介嘅投資組合建議，係根據我哋可以運用嘅資料而作出建議。市場變化或其他外來環境因素有機會會影響投資組合成份基金嘅表現，因此演算法無法保證你能達到你所設定嘅投資目標。

雖然兩個投資建議都係被認為適合你嘅，但係兩個投資建議附帶嘅風險可能有所不同。進行投資前，你應該小心考慮。

投資建議過程中會點樣考慮ESG因素？