支援 | WeLab Bank

(1) 「GoWealth智動投資顧問服務」是甚麽？WeLab Bank 與全球領先資產管理公司 Allianz 安聯投資合作，聯手創研「GoWealth智動投資顧問服務」，為你提供革新數碼財富管理平台，啟動「創科理財」世代。透過尖端科技，「GoWealth智動投資顧問服務」為你提供個人化環球投資建議方案，涵括由頂尖基金公司所提供之多元化基金組合，為你投資目標提供「智動」導航。一 app在手，24 小時靈活投資，盡在指尖。「GoWealth智動投資顧問服務」嘅核心亮點包括:

個人化投資建議
破天荒前瞻性預測
全天候智能風險管理，助你 On track
靈活投資，無鎖定期限制、無贖回費

我哋提供嘅「GoWealth智動投資顧問服務」並非全權委託形式的資產管理服務。意味着：

我哋會每個月評估投資組合嘅表現，但並唔會主動管理投資組合；
除非得到你嘅明確指示，我哋唔會為你嘅投資組合進行任何更改；
你有責任去監察投資組合嘅表現，但我哋嘅App會係一個合適工具從旁協助；
如果你想更改投資組合，可以向我哋詢問建議，但我哋並無義務亦唔會主動提出建議；以及
除非你詢問，否則我哋並無需要建議你嘅投資組合作任何更改。

(2) 我可以點樣創建我嘅投資目標？當你撳「投資」icon之後，可以先撳「智動投資顧問」分頁，再撳「設立新目標」去建立你嘅目標。你可以根據螢幕上嘅指示輸入目標參數去完成目標設定，例如目標金額、目標年期、一次性投資金額，以及每月投資金額。(3) 我可唔可以自己選擇投資組合？可以! 當你創建咗你嘅投資目標，並獲得投資建議後，你可以喺「所有投資組合」部分瀏覽建議投資組合外其他所有投資組合，以及佢哋嘅預計年化回報率及預計組合金額。每一組合嘅預計年化回報率及預計組合金額係根據你嘅投資計劃嘅相同投資年期和金額，採用我哋嘅資本市場預期計算。相關資訊僅供參考，並非保證。不過請留意，「所有投資組合」部分並非目標設定流程之一部分。該部分嘅資訊與你所設定嘅目標無關，亦不構成投資建議或推薦。如你選擇任何該部分嘅投資組合，即表示你已離開目標設定流程。任何涉及該部分投資組合嘅交易完全基於你嘅自行判斷進行。如果你選擇投資「所有投資組合」部分嘅任何投資組合，我哋將會以預計組合金額追踪你嘅投資計劃嘅進度。請注意，如果你選擇投資「所有投資組合」部分嘅任何投資組合，你唔可以更改你嘅投資計劃所投資嘅投資組合，但你仍然可以隨時更改你嘅投資計劃嘅投資年期及金額，而我哋亦唔會就投資計劃嘅更改提供任何投資建議。(4) 投資年期有任何限制嗎？投資年期最少要1年，以及你可以為你目標設定投資年期至70歲。若果你有需要嘅話，可以隨時於投資年期結束日前取回投資資產。（無鎖定期限制、無贖回費）(5) 「GoWealth智動投資顧問服務」嘅投資組合，會使用邊類投資工具？「GoWealth智動投資顧問服務」將會使用基金去創建多個投資組合建議，讓你進行投資。(6) 就「建立投資習慣」，「GoWealth智動投資顧問服務」能如何計算財富目標金額？就「建立投資習慣」，我哋嘅投資引擎將根據你嘅最新目標設定同相關嘅個人情況，包括但不限於一次性投資金額、每月投資金額及目標而特定嘅投資年期，而計算出你嘅財富目標金額。(7) 投資組合點構成？點樣選擇單項基金？每個投資組合都對應著指定嘅風險評級以及資產類別，並由WeLab Bank 揀選嘅若干數目嘅基金（「所選取基金」）組成。資產類別中嘅資產類別配置由WeLab Bank以及 Allianz 安聯投資合作共同創建。而每個投資組合於某一資產類別嘅成分基金以及其比例係由WeLab Bank全權酌情決定，並會不時作出更改。因此，你無法調整投資組合內成單項基金嘅比例。按照WeLab Bank盡職審查框架，我哋會為所有所選取基金進行嚴格嘅盡職審查以及內部審批，以確保我哋已經完全明白其風險性質同程度，例如：市場及行業風險、經濟及監管規限、任何直接或間接影響投資組合嘅風險/回報，以及基金嘅增長前景。就審查基金而言，評估嘅主要範圍包括但不限於：基金基本結構、投資目的、投資策略及流程、投資團隊評估、評估表現及風險、設立營運、收費結構等。(8) 提供投資建議嘅演算法點樣運作？「GoWealth智動投資顧問服務」所運用嘅演算法依賴你所提供嘅資料，加上我哋於資本市場上對各種類別資產嘅預測，演算法亦依賴投資組合嘅風險、回報及相關性。此流程與任何類別嘅電腦程式運作相近，有一部份取決於個別人士嘅技能及知識。因此，此流程雖然電腦化，但依然需要依賴人為判斷。當中嘅人為判斷包括我哋對資本市場預測及/或決定邊啲個人資料同提供「GoWealth智動投資顧問服務」嘅目標有關。為咗令演算法向你提供「GoWealth智動投資顧問服務」，演算法將會採用你所提供嘅部份個人資料，或你所選擇嘅部份條件，包括但不限於以下各項：(a) 你嘅目標特定投資目標；(b) 你嘅目標特定投資年期；(c) 你嘅目標特定經濟狀況，包括:

一次性投資及每月投資金額
財富目標金額

(d) 你嘅風險偏好及能力；以及/或(e) 你嘅投資知識及經驗。當收集有關你嘅目標嘅所需資料後，「GoWealth智動投資顧問服務」將會運用以下演算法推介投資建議：最佳目標成功率：演算法係基於上述之建議原因，透過最佳目標成功率而產生嘅推介嘅投資組合，以協助你達至你設立的目標。雖然投資引擎嘅首要目標係最大化你嘅目標成功率，但投資引擎同時會以風險導向嘅方式去提供推介嘅投資組合。因此我地嘅演算法亦設立咗一個2%嘅目標成功率緩衝範圍。投資引擎會喺2%嘅目標成功率緩衝圍入面，向你推薦最高目標成功率同埋最低預期產品風險程度嘅投資組合。演算法向你推介嘅投資組合，係根據我哋可以運用嘅資料而作出建議。市場變化或其他外來環境因素有機會會影響投資組合成份基金嘅表現，因此演算法無法保證你能達到你所設定嘅投資目標。進行投資前，你應該小心考慮。(9) 提供投資建議嘅演算法有咩限制？我哋為咗提供投資建議而運用嘅演算法，係為咗推介或更新投資組合而設計。不論邊一個情況，演算法只能依賴喺作出建議當刻可運用嘅數據去提供建議。演算法並唔係設計嚟監察你嘅投資組合喺達成你嘅目標嘅表現或影響你投資價值嘅市場發展，並用嚟主動作出建議。「GoWealth智動投資顧問服務」提供畀你嘅監察工具，雖然係依賴演算法，但只係一個方便你投資嘅工具，並唔係用嚟提示如更改投資組合嘅成份基金會為你帶來嘅正面利益。演算法係依賴編寫程式時所採用嘅資料。具體嚟講，演算法唔會考慮：

你喺WeLab Bank嘅其他投資或你嘅其他投資，從而建設投資組合；或
任何喺你提交投資於任何投資組合嘅指示後，因交易活動或市場變動導致你持有嘅投資出現嘅任何轉變；或
任何可能會導致與我哋原先提議嘅投資組合分配有出入嘅基金價格變動。

我哋運用嘅演算法得到第三方許可。如果該許可出於任何原因導致被撤銷、暫停或我哋無法使用，我哋所提供嘅「GoWealth智動投資顧問服務」可會受影響。因此，我哋擁有終止或暫停「GoWealth智動投資顧問服務」嘅唯一及絕對酌情權。如果「GoWealth智動投資顧問服務」被終止或暫停，於終止時或暫停期間，我哋並無義務向你提供任何需要依賴演算法嘅服務，包括但不限於提供推介或更新投資組合建議以及監察工具。此外，你需要明白我哋無法保證所提供嘅服務毫無缺點。若果我哋所提供嘅服務出現缺陷，而於當時行業技術層面上無法避免，該缺陷不會被視為違約。雖然我哋會盡力合理地保持演算法嘅可用性及可靠性嘅支援，但我哋無法承諾繼續保持其可用性及可靠性嘅支援，從而影響我哋證明「GoWealth智動投資顧問服務」所輸入嘅模型係基於資本市場預測既能力。基金實際表現可能會同預測出現明顯偏差。(10) 「GoWealth智動投資顧問服務」嘅投資組合包含咩主要風險？「GoWealth智動投資顧問服務」所包含嘅主要風險，可能不限於：

一般投資風險及基金風險
投資組合的投資風險
市場風險
與投資組合的推介和轉換相關之風險
局部執行風險
監管風險
投資策略風險
集中風險

有關詳情，請參考「理財服務條款」以及風險披露。(11) 理財服務會點樣決定投資組合以及成分基金嘅產品風險？產品風險評級（1 = 低，2 = 低至中，3 = 中，4 = 中至高，5 = 高）係基於對各項因素而進行嘅評估而釐定，當中包括但不限於產品類型、價格波幅、信用風險、滙率風險、產品特徵以及地緣因素等條件。我哋會不時更改產品風險評級而不作事先通知。呢項信息只會作為一般資料，只供參考之用。投資組合及單項基金嘅產品風險評級，係基於相同嘅產品風險評級分類。就投資組合嘅情況而言，我哋並非以單獨考慮組合內每個單項基金，而係整體進行評估，從而其產品風險評級可以完整地描述整個投資組合嘅風險。因此，一個由不同基金組成嘅投資組合，裏面嘅單項基金產品風險評級有機會高過或低過該整體投資組合嘅風險評級。當你選擇投資組合嘅時候，演算法係基於投資組合嘅風險評級，而非單項基金嘅風險評級而提供建議。(12) 目標成功率及達成預計金額機會率嘅意思係？適用於建議投資組合及相關目標進度追踪：目標成功率指當投資計劃結束時能否實現財富目標金額嘅統計概率。佢係根據你建立目標時提供嘅目標設定、投資組合建議分配同我哋關於資本市場嘅假設，通過模擬財富嘅潛在增長計算。目標成功率並不反映或預計建議投資組合或任何單項基金嘅實際表現，亦並非未來表現嘅保證或確保你能夠實現目標。目標成功率嘅結果會分為四類：偏離進度：少於50%樂觀：50%至少於65%十分樂觀：65%至少於80%極為樂觀：80%至100%適用於「所有投資組合」的投資組合及相關投資計劃進度追踪：達成預計金額機會率指當投資計劃結束時能否實現預計組合金額嘅統計概率。佢係根據你建立嘅投資計劃、投資組合分配同我哋關於資本市場嘅假設，通過模擬你嘅投資組合嘅潛在增長計算。統計概率並不反映或預計投資組合或任何單項基金嘅實際表現，亦並非未來表現嘅保證或確保你能夠實現預計組合金額。達成預計金額機會率嘅結果會分為四類：偏離進度：少於50%
樂觀：50%至少於65%
十分樂觀：65%至少於80%
極為樂觀：80%至100%(13) 投資進度狀況嘅意思係？你可以從以下內容了解你的投資進度嘅狀態：草稿：你仲未為呢個目標設立投資指示。處理中：正在處理呢個目標/組合嘅投資指示。進度良好：目標/組合成功率相等於或高於50%。偏離進度：目標/組合成功率低於50%。已達成：已達到目標財富金額/預計組合金額。已完成：已到達投資年期。(14) 模擬分析是什麼？模擬分析說明投資組合喺保守情況及良好情況嘅表現，並提供你的目標財富/預計組合金額以供參考。這注意，模擬分析只供參考，並非未來表現嘅保證或確保你能夠實現目標/預計組合金額。進行投資之前，你需要小心考慮投資目的、風險、收費同開支，如有需要可以尋求獨立專業建議。(15) 保守情況及良好情況是指什麼？保守情況及良好情況係分別根據你嘅投資計劃、投資組合以及我哋對資本市場嘅預期，以計算出你投資組合價值第10個百分位數及第90個百分位數嘅數值。請注意，模擬分析並非未來表現嘅保證或確保你能夠實現目標/預計組合金額。同時，基金價格可升可跌，甚至有可能變得一文不值。(16) 我可以點樣更改/編輯或刪除我嘅投資目標/組合？當你已設定目標/組合，你可以去「投資」>「智動投資顧問」撳你嘅目標/組合，然後會搵到「編輯」掣嚟調整你嘅目標/組合，例如：你可以幫你嘅目標改名（僅適用於目標投資組合）。你亦可以調整你嘅目標/組合參數。如果你想取消目標/組合，你可以去「投資」>「智動投資顧問」撳你嘅目標/組合，然後撳「賣出」掣。而撳「全部賣出」掣嘅話，你可以贖回所有股份，以及同時取消你未來每月投資嘅目標/組合。(17) 中止目標/組合需要任何收費嗎？不需要，我哋並無中止收費/提前贖回費。(18) 投資建議過程中會點樣考慮ESG因素？當我哋為投資建議創建一個投資組合建議之前，每個單項基金於ESG因素及相關投資策略和流程會評估在內，ESG評估係我哋審查產品程序嘅一部份。