遇到難題? 有我哋幫手！

我哋會喺唔同嘅時候為你提供唔同嘅GoSave 定期存款期! 如果你想知道我哋目前有甚麼GoSave定期存款期提供，就要留意返喺WeLab Bank App內顯示嘅GoSave定期存款期。

GoSave係一個由人數決定年利率嘅定期存款。我哋會連續有唔同批次嘅GoSave定期存款畀大家參加，每一個批次對開始都有指定日數嘅等待期及指定人數要求，如果係等待期內達到指定人數，GoSave定期存款就會提早開始。

我哋用以下例子方便你去理解：

假設GoSave定期存款喺第1日下午4點鐘提供畀大家參加，等待期係48小時，而參加人數嘅上限係80人；如果第1日當天已經有80個人參加，咁GoSave 定期存款就會馬上開始，唔使繼續等待；如果去到第3日即係48小時嘅時後都只得79個人參加，咁GoSave 會喺下午4點準時開始。如果你錯過咗呢一個批次，你就可以參加下一個即刻提供畀大家嘅GoSave 定期存款。

係等待期間，如果你改變主意亦可以取回資金，但係要最少留低港幣10元，咁同批次客戶最後得到嘅利率係唔會影響到。

另外，GoSave定期存款開始後，每人有兩次提款嘅機會而且無任何收費，第一次可以提取任何金額，但第二次只可以提取所有餘下金額，而你嘅提取係唔會影響到其他人。但要記住利息會根據喺到期日未被提取嘅本金金額計算，而你喺到期日前所提取嘅金額係唔會有任何利息。