咩係稅季貸款？
稅季貸款，其實係一種私人分期貸款，專門針對香港稅季即每年10月至翌年4月嘅交稅需求而設。主要目的係幫助借款人攤分繳稅壓力，利用較低利率嘅貸款去減輕財務負擔。揀稅貸有咩著數？但要小心踩雷！
✅ 1. 稅貸利率吸引，但要睇清條款稅貸通常提供比一般私人貸款更低嘅利率。但廣告上講嘅「低至X%」利率，往往只適用於特定客戶或大額貸款。申請前要問清楚獲得優惠利率嘅相關要求，以及自己實際獲批核利率，唔好只睇宣傳字眼。✅ 2. 資金用途靈活，但唔好過度借貸
雖然叫「稅貸」，但資金唔一定只用嚟交稅，高靈活性可以應付其他財務需求，例如裝修、清卡數、清還高息債務、把握市場機遇等財務需要。不過，低息環境容易令人衝動借錢，記得評估自己還款能力及時期，避免過度借貸。✅ 3. 快速批核好吸引，但短期內信貸評分影響
好多稅貸申請流程已經數碼化，可即日批核及放款。不過，申請貸款時，金融機構已經會查閱借貸人 信貸報告，留下「硬性查詢」記錄，短期內有機會拉低信貸評分，如近日有其他貸款或申請信用卡需求，就需要多加留意。
稅貸三大比較重點
💡稅貸優惠利率及指定條件
唔同銀行或財務公司提供嘅最低利率大部分都有附加條件，例如要達指定貸款額或成為VIP客戶。記得睇清楚實際年利率（APR），已包含所有利息支出、費用及現金回贈，係比較唔同貸款總成本嘅最公平標準。💡還款期
稅貸還款期通常比較短，銀行一般提供12至24個月，而財務公司可能提供更長還款期，長達84個月。要因應自己嘅能力去揀適當嘅還款期，避免失去預算而出現財務風險。💡額外收費
唔同機構可能會收行政費、提早還款罰息或手續費等。簽約前一定要睇清楚所有相關嘅收費，避免多付預期以外嘅費用。總結：常見稅貸誤解FAQ🔎
最低利率係咪一定拎到?
廣告上講嘅「低至X%」利率，往往只適用於特定客戶，例如VIP客戶或高額貸款申請者。記得問清楚自己實際批核利率，唔好只睇宣傳字眼。提早還款要罰息?
唔少貸款合約都設有提前還款罰息，可能會令你無法靈活清還貸款。申請前一定要睇清楚條款及細則 ，了解還款自由度。稅貸有無隱藏收費?
除咗利息，仲有機會收取年費、行政費、手續費等額外收費，直接影響實際貸款成本。要問清楚所有費用，避免多付預期以外嘅費用。點樣先會影響信貸評級?
申請稅貸時，銀行或者財務公司會查你嘅信貸報告，呢個行動會短期內拉低你嘅信貸評分。不過只要你準時還款，長遠嚟講反而有助建立良好信貸記錄，對未來借貸有正面影響。如信貸記錄欠佳，申唔申請到?
如果你信貸記錄唔理想，仍有機會成功申請稅貸，不過要有心理準備，批核利率可能會較市場平均水平高。數字銀行 vs 傳統銀行：邊個更啱你？
數字銀行提供更快捷、更方便嘅貸款體驗。由開戶、申請、批核到放款，全程都可以喺手機上完成，唔使排隊、唔使去分行，節省時間。同時，由於數字銀行無需經營實體分行，亦冇舖租開支，營運成本自然較低，從而可以提供更具競爭力嘅低息貸款方案，幫你慳息慳錢！數字銀行 vs 傳統銀行：貸款申請流程比較
如果你追求方便快捷、唔想排隊，數字銀行貸款可能更啱你；但如果你需要面對面解釋或有複雜財務狀況，傳統銀行可能更適合。了解更多👉銀行貸款比較
WeLab Bank 稅季貸款亮點💰
WeLab Bank私人貸款實際年利率低至0.75%1，貸款額無需過百萬，隨時應付你任何財務需要！同時配合3大優勢：1) HKD 0 手續費；2) 6至60個月彈性還款期隨你話事；
3) 免入息證明及住址證明2。申請、批核及過戶，一App搞掂，現金即日到手3。
優惠期內，成功申請及提取私人分期貸款即享高達HKD 18,888現金回贈4！
了解更多👉稅季貸款優惠
借得精明，稅季無憂！
稅季貸款係一個有效嘅財務工具，用得精明可以幫你舒緩 稅季期間嘅資金壓力。只要了解清楚產品嘅特性，並因應個人需要選取，就可以揀到最啱自己嘅方案，輕鬆舒緩財務負擔。重點係申請前要詳細研究每筆貸款嘅條款，做個精叻借款人！借定唔借？還得到先好借！備註：
(1) 適用之實際年利率由0.75%－36.00%；貸款額由HKD 10,000至HKD 1,500,000，而還款期為6至60個月。假設貸款額為HKD 630,000，還款期為36個月，實際年利率分別為0.75%（包括現金回贈HKD 9,000）或1.68%（不包括任何現金回贈）， 總還款額為HKD 646,323.83。實際年利率乃根據銀行營運守則之指引計算，並已被約至小數後兩個位及或跟隨個別客戶而有差異。實際年利率是一個參考利率，以年化利率展示出已包括所有適用的利率、手續費及收費。
(2) 我們有權要求客戶提供額外文件以作批核，所需審批時間及現金到手時間因應客戶申請資料而有可能出現差異及視乎審批結果而定。任何貸款申請需根據正常貸款準則作評估。
(3) 由確認貸款協議書後起計，實際批核時間及現金到手時間因應客戶申請資料而有可能出現差異。
(4) 由即日起至2025年12月31日，WeLab Bank客戶凡成功申請私人貸款及獲批貸款金額HKD 150,001或以上，及還款期為24個月或以上，並於批核後7日內提取貸款，私人分期貸款申請人可享高達HKD 18,888現金回贈；清卡數貸款申請人可享高達HKD 23,888現金回贈，回贈金額將於2026年2月28日或之前存入港元核心賬戶。詳情請參閱條款及細則。