投資P牌指南 新手要知道嘅理財關鍵
市面上充斥唔少標明「抗通脹」嘅飯盒，面對持續通脹嘅市場環境，你嘅收入又係咪能夠追得上物價升幅？想有效對抗通脹，學識投資理財先可以幫你獲得潛在回報；不過作為「投資P牌」嘅你，想進一步擴大財富，逐步達成心中理想，就要留意以下基本投資理財概念同關鍵！何謂投資理財？投資，就係將手上嘅資產放到唔同地方以達到保值效果，並期望未來會得到額外收益。所以投資前，應選擇投資理財工具進行基本分析，根據企業嘅財務或營運狀況等因素，評估各項風險而作出合適投放金額；一般而言，產品風險越低，回報亦相對較低。投資理財產品要睇真股票？債券？基金？睇落好似差唔多，實際上其實好大分別！作為新手嘅你，又分唔分得清呢幾種投資理財產品？- 股票：公司透過出售股權作為籌募資金嘅一個方法。一旦成為股東，當公司賺取利潤時有機會獲分配股息及紅利。股票通常喺交易市場中進行買賣，投資者可根據公司股價喺市場嘅表現，考慮各方因素後決定買入賣出嘅時機，透過交易獲利。
- 債券：當投資人向發行機構購買債券等同借出資金，發行機構需要喺債券到期時按照條款支付利息同償還本金。
- 基金：透過集合唔同投資人嘅資金作出投資，而投資策略同基金組合會由基金經理制定同管理，購買一個基金就等同買咗一籃子嘅資產同項目。
- 衍生工具：一個由基礎金融商品如股票、債券衍生出嚟嘅金融工具，受到高度監管。衍生工具可理解為一份「交易合約」，以股票期貨為例，合約會註明將來於既定日期以既定價格買入賣出，係等同既定股票數量嘅金融價值。亦因為不同衍生工具協定嘅合約條款都不一，風險相對地高，所以未必適合一般投資者。
每一種投資都涉及風險，如何選擇取決投資者具體情況。投資者需視乎自身財務計劃進度，衡量可承擔風險，亦要考慮投資計劃門檻，挑選適合自己嘅投資理財組合。新手常犯錯誤作為投資理財新手，以下兩大常犯錯誤，你又有冇試過？- 盲目跟風：新手喺投資理財嘅時候，經常喺朋輩、網絡上接收投資有關的信息，並喺缺乏分析嘅情況下「盲舂舂」衝入市。然而，企業財務狀態、行業前景、政治因素等都會有所影響；因此，盲目跟隨市場消息及流言作出投資決定未必最準確。
- 過分心急： 投資者缺乏分析嘅情況下，如果只根據市場波動而決定買入賣出，往往會得不償失。
所以投資理財並非道聽塗說，每次都要為投資產品進行多方面分析，避免只憑藉短期表現而作出決定。新手投資理財關鍵- 了解清楚投資理財目的: 新手要了解投資目的後才能有效地選擇合適的投資計劃及產品，計劃時可選擇多樣化投資組合，抑或長期持有部分投資理財產品以作分散及減低風險。
- 節省不必要開支：可考慮投資較低管理費嘅資產，以幫助降低投資成本，為投資理財達到節流效果。
- 適時檢討及調整投資組合：每個人嘅風險承受能力都會隨著人生不同階段而改變，應適時檢視投資策略，並因應情況調整適合嘅投資理財組合。
WeLab Bank 嘅 GoWealth「智動導航會根據你嘅投資目的為你提供個人化建議，幫你開展「智動」投資理財。想了解更多詳情，可以撳入呢條link：https://bit.ly/3VyH3Wx如果你都想累積多啲基金投資嘅知識，同埋更容易明白市場運作，亦可以subscribe我哋嘅YouTube Channel，睇吓我哋嘅 WeLab Bank 「投投是道」系列 短片，了解更多投資理財最新資訊 ：http://bit.ly/3AW4K1q重要聲明本文件僅供一般參考，且不構成專業投資意見或對任何人作出買賣、認購或交易任何投資產品或服務的要約、招攬、建議、意見或任何保證。本文件僅用作一般評估，並未考慮任何特定人士或特定類別人士的具體投資目標、財務狀況或特定需求等，本文件並非專為任何特定人士或特定類別人士擬備。有關資料或意見由WeLab Bank開發及/或取自WeLab Bank可靠之來源 (包括但不限於資料供應商及基金公司)，但WeLab Bank恕不就其準確性、正確性、可靠性或其他方面作出任何保證或聲明，亦不就本文件之內容的任何遺漏或錯誤承擔任何義務或責任。WeLab Bank不會就本文件所載之任何資料供應商及任何基金公司所提供之資料或意見負責或認可。過往表現並非未來績效的指標。WeLab Bank並無對未來表現作出任何陳述或保證。本文件對利率、匯率或巿場價格的未來可能變動或者未來可能發生的事件的任何預測僅為參考意見，並非利率、匯率或巿場價格的未來實際變動或未來實際發生的事件（視屬何情況而定）的保證指標。你不應基於本文件而作出投資決定。你在作出任何投資決定之前，須評估本身的財務狀況、投資目標及經驗、承受風險的意願及能力，並了解有關產品的性質及風險。WeLab Bank概不就因使用或依賴本文件所載之資料或意見而產生的任何直接、間接、特別、偶發或相應損害承擔任何責任。如有需要，你應徵詢獨立財務顧問的意見。WeLab Bank為《銀行業條例》第 IV 部之下的認可機構，以及《證券及期貨條例》之下的註冊機構（CE 編號：BOJ558 ），獲准經營第 1 類（證券交易）及第 4 類（就證券提供意見）之受規管活動。本文件由 WeLab Bank 刊發，內容並未經證券及期貨事務監察委員會審閱。 
