投資互惠基金有咩要注意？新手入門簡介 │ WeLab Bank

隨著通脹壓力不斷升溫，銀紙購買力下降，普羅大眾都搵緊辦法對抗通脹，當中基金投資係一個熱門選項。想試下基金投資，但無從入手？今次呢篇文章就啱晒你，一齊探討吓基金種類、基金投資運作方式，以及需要注意事項等等。事不宜遲，WeLab Bank立即同你逐一解構！咩係互惠基金？互惠基金係一種匯集眾多投資者資金嘅投資工具。資金會交由一班專業經理人管理及運作，期望增值財富。基金經理一般會將資金分散投資喺唔同嘅資產或項目上，例如股票、債券、貨幣市場工具及其他資產。投資者可以透過買入基金，用較低嘅資金入手心儀嘅投資組合，從而達到投資目標。基金有咩種類？基金有各種不同分類方式，例如以籌集資金方式區分，亦可劃分為私募基金。而私募基金只對少數投資者發售，投資門檻較高，一般投資者較難接觸。市面上常見以互惠基金及單位信託基金為主，兩者分別不大，喺成立形式、可發行數量及管轄條例上略有差別。而基金亦可以根據基金投資目標、基金投資管理方式及基金投資區域等再劃分。按基金投資目標劃分：

貨幣基金：投資各種貨幣市場，多為短線投資，流動性較高，風險相對較低。
債券基金：投資對象包括不同類別債券，收益穩定，風險屬中低。
股票基金：投資各類股票資產，等於同時投資多隻股票，潛在回報和風險較高。
混合基金：分散投資喺股票及債券等不同資產，風險視乎股債比例。

按基金投資管理方式劃分：

主動型：由基金經理人決定投資目標、投資策略及進出市場時間，以取得超越市場指數嘅績效表現為目標。
被動型：投資目標會追蹤市場特定指數嘅表現，目標同大市走勢「齊上齊落」，受個別股份波動影響程度較細。

按基金投資區域劃分：

全球型：風險較低，投資範圍最廣，相等穩健。
區域型：中等風險，適合偏好某一心水地區嘅投資者，例如歐洲、美洲、亞洲東南亞。
單一國家型：風險較高，如果對單一國家嘅資產非常有信心，可以考慮選擇。

以上係常見嘅基金投資分類方式，仲可以依據行業板塊、發行者、發行方式等等再區分，如果大家有興趣，可以再個別深入了解。互惠基金適合咩人？互惠基金投資對於投資新手，或者無時間去分析股票市場嘅人嚟講，係一個唔錯嘅選擇。相比單獨購買股票，互惠基金一般會投資喺不同產業、地區，及最少持有幾十隻股票或其他證券，同時你亦能夠受益於基金經理嘅專業管理，所以互惠基金投資一般能夠達致分散風險嘅作用。另一方面，互惠基金投資亦都適合希望作長線投資嘅投資者，因為基金一般可以喺多年嘅時間穩定增長，為你嘅資產做到長期增值。互惠基金點樣運作?投資者經基金平台、銀行、證券商等途徑購買互惠基金後，基金經理一般會將收集到的資金，然後分散投資。當基金從投資組合中獲得股息（或債息），基金公司有機會將該收入嘅一定比例分配畀投資者，另一方面，投資者亦可以選擇贖回基金，賺取差價獲利。基金投資有咩要注意？雖然基金投資一般係屬於比較安全嘅投資方式之一，但基金投資始終涉及風險，有啲事項亦需要注意，投資前宜了解清楚，例如：

衍生費用：基金投資可能會牽涉手續費、管理費、贖回費及其他費用，上述費用都會直接影響回報率，所以記得仔細留意基金投資收費機制，做決定前先格價。
揀選基金公司同經理人：基金投資嘅表現，好大程度取決於基金公司同經理人嘅專業程度及管理能力，所以投資者需要留意基金公司及基金經理嘅信譽同投資策略，亦可以參考對方過往基金投資表現與及管理資產的規模。
評估風險承受能力：風險同回報一般係相附相依，因此喺進行基金投資前，投資者應參考基金性質，衡量風險並結合自身情況，獨立評估後再選擇適合自己嘅基金投資。

大家睇完之後，係咪對基金投資了解多咗呢？立即Click入WeLab Bank網頁，了解更多合你心水嘅個人化基金投資組合啦： https://bit.ly/3VyH3Wx如果你都想累積多啲基金投資嘅知識，同埋更容易明白市場運作，可以subscribe我哋嘅YouTube Channel, 睇吓我哋嘅 WeLab Bank 「投投是道」系列短片，了解更多投資理財最新資訊： http://bit.ly/3AW4K1q重要聲明本文件僅供一般參考，且不構成專業投資意見或對任何人作出買賣、認購或交易任何投資產品或服務的要約、招攬、建議、意見或任何保證。本文件僅用作一般評估，並未考慮任何特定人士或特定類別人士的具體投資目標、財務狀況或特定需求等，本文件並非專為任何特定人士或特定類別人士擬備。有關資料或意見由WeLab Bank開發及/或取自WeLab Bank可靠之來源 (包括但不限於資料供應商及基金公司)，但WeLab Bank恕不就其準確性、正確性、可靠性或其他方面作出任何保證或聲明，亦不就本文件之內容的任何遺漏或錯誤承擔任何義務或責任。WeLab Bank不會就本文件所載之任何資料供應商及任何基金公司所提供之資料或意見負責或認可。過往表現並非未來績效的指標。WeLab Bank並無對未來表現作出任何陳述或保證。本文件對利率、匯率或巿場價格的未來可能變動或者未來可能發生的事件的任何預測僅為參考意見，並非利率、匯率或巿場價格的未來實際變動或未來實際發生的事件（視屬何情況而定）的保證指標。你不應基於本文件而作出投資決定。你在作出任何投資決定之前，須評估本身的財務狀況、投資目標及經驗、承受風險的意願及能力，並了解有關產品的性質及風險。WeLab Bank概不就因使用或依賴本文件所載之資料或意見而產生的任何直接、間接、特別、偶發或相應損害承擔任何責任。如有需要，你應徵詢獨立財務顧問的意見。WeLab Bank為《銀行業條例》第 IV 部之下的認可機構，以及《證券及期貨條例》之下的註冊機構（CE 編號：BOJ558 ），獲准經營第 1 類（證券交易）及第 4 類（就證券提供意見）之受規管活動。本文件由 WeLab Bank 刊發，內容並未經證券及期貨事務監察委員會審閱。